YOSUA 1:8 - Susula Malalaok Hehelu Palak Ma Hehelu Beuk

⁸ O muse lees fe Au anang-ngala susula hoholo-lalanek ndia tataas esa. Manoli susulak ndia isi-liin lele'do-le'odaen, fo ela basa hata fo nanasulak nai dalek, o makalala'ok-kana tataas esa. Metema o tao basa sila-la soona, neukose o so'dam-ma tetu-temak, ma o ue-le'dim, neni buna-boak.

YOSUA 1:8 Referans Kwoze

MAZMUR 119:15

Au nau anoli O nakeketum-mala, ma taoafik neu O natutu'dum-mala.

MAZMUR 19:14

Madook au neme sala-singok fo au taon no nameme'dak, boso po'ilotak sala-singok ndia, ana koasa-na au. Soona au da'di hataholi sala tak, ma au atapo'i eme sala matuaina mai.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

AMSAL 3:1

Anang-ngonei, boso mafandele heni hata fo au anolin neu o so. Mafandendelek tataas esa neu au paletang-nga,

ULANGAN 29:9

Hu ndia de, ela leo been-na, emi tunga basa hehelu-balataak ia-la lala'en-na, fo ela nai emi tutunga-sasangam lala'en-na dalek, neni buna-boak fe emi.

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

LUKAS 11:28

Tehu Yesus nataa nae, “Maua-manalek lena seluk, hataholi mana namanene Manetualain dede'a-kokolan ma nakalala'o kana!”

MATEOS 7:24

“Naa, ba'eneu see fo namanene Au dede'a-kokolang ia boema ana tao tungan, soona hataholi ndia sama na leo hataholi malela ka napadedeik uma na nai batu lain.

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 119:97

Au sue-lai O hoholo-lalanem, ba'un-na seli; au dodoo-tatain, nai fai katemak esa dalen-na.

MATEOS 7:21

“Ta basa hataholi fo lalo Au lae, ‘Lamatuak, Lamatuak,’ soona ala da'di lima eik neme Manetualain hataholi kamahehele nala mai. Ka'da hataholi fo mana tao tunga Au Amang manai nusa so'da ka hihii-nanaun.

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOSUA 1:7

Ka'da ela leo been-na, te'e-te'e o mamahele ma mapalani. O muse manea, fo ela o tunga la'iesak hoholo-lalanek, fo Musa Au atang ndia, ana fen neu o, o boso mafandele heni faa anak boen, soona neukose o hapu buna-boan.

ULANGAN 30:14

Boso matane mae leondia, nanahu paleta sila-la, ala deka lanseli loo emi. Emi bubuluk basan so, ma emi kokolak-kana no ta paluu pake lees susulak so'on, da'di ka'da tao tungan leona.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

MAZMUR 119:99

Au malelang-nga, lena heni au meseng-ngala malelan-na, nanahu au dodoo-tatai O paletam-mala.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

ULANGAN 5:32

Tolano-tolanoong-ngala lemin, tunga no dale katematuak, neu basa hata fo emi Manetualaim-ma paletan neu emi. Boso la'olena paleta sila-la esa boen.

ULANGAN 31:11

emi muse lees mapane'e, hoholo-lalanek ia-la neu hataholi Israel fo, manamai sene-do'ok neu emi Manetualain-ma, nai Ana hele mamanak-ka.

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

MAZMUR 40:10

Nai O anam-mala makaluku-makatelen-na dalek, au tui-benga hala malole-a ae O soi-tefam-mala ami so. Au ta hahae, tui-benga dede'ak ndia fa, O bubuluk basa sila-la, ou Manetualain.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.

KEJADIAN 24:63

Nai le'donosok esa boema, ana kalua neme uma ofun dale mai, fo sanga neu la'o-la'o nai tina, boema nita onta-la mai.

ULANGAN 31:24

Boema, Musa sulak Manetualain hoholo-lalanen neu susulak esa dalek. Ana sulak besa-besa non, neme makasososan-na losa mate'en-na.

YOSUA 8:34

Basa boema Yosua lees napane'e, hoholo-lalanek lala'en-na, nandaa no hata fo nanasulak nai Susula Hoholo-lalanek dale, fo nai dalek hapu baba'e-papalak ma soo-supak boe.

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 29:8

Ita loso-ta, sila dae-na, de ita babab'en neu leo Ruben-na, leo Gad-ta, ma leo Manasye-a seli.

2TAWARIKH 26:5

Manamanoli-mafa'da anan-nala so'on-na nde Zakharia. Nai lelek Zakharia bei naso'da, Uzia sene-do'ok neu Manetualain no lilinekak, nalosa Manetualain ba'e-palan.