YOHANIS 9:34 - Susula Malalaok Hehelu Palak Ma Hehelu Beuk

³⁴ Boema lae, “O mae le'e? Ala bongi o no sala-singok, tehu o sanga manoli ami bai?” Mulai neme faik ndia mai, ala ta nau hataholi ndia neu leo uma mamasok dale neu so'on.

YOHANIS 9:34 Referans Kwoze

YOHANIS 9:22

Hataholi ndia ina aman lafa'da lae leondia, nanahu ala bii lasi-lasi Yahudi la. Hu ka nde basa malanga Yahudi la lalahalak basa lae, metema see manaku Yesus da'dileo Mane Mana Fe So'da ka soona, ta bole neu leo uma mamasok dale neu so'on.

YOHANIS 9:2

Boema Yesus ana manatunga nala latanen lae, “Ama Mesen, tao le'e de hataholi ia, bongin te pokek so? Ade hu ka nde ndia sala-singon, do ina-aman nde tao sala-singo ka?”

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

LUKAS 18:17

Mafandendelek leona! Te hataholi fo ta nasasale matak no Manetualain sama leo ni'iana esa fa soona, neukose ana ta da'di lima eik neme Manetualain hataholi kamahehele nala mai fa.”

MAZMUR 51:5

Nana au manaku au salang-ngala, au afandendelek au sala-singong tataas esa.

AYUB 25:4

Ade, hataholi daebafak-ka, bisa malalao-malalafuk nai Manetualain mata memeten-na do ta? Ade, neuisik nai mata memeten-na do ta?

KEJADIAN 19:9

Tehu hataholi Sodom sila-la, lafa'da Lot lae, “La'o leona! O hataholi manamai esa, boen-na o nau ito-ato ami? Ka'da la'o leona! Metema ta soona, neukose ami hotu fe o, fo belan-na lena heni hataholi ka duak sila-la.” Boema ala soli heni Lot, de ala tutulumatak, fo ala sanga hona lakalulutuk lelesu-a.

NINITAK 13:17

Hataholi esa boen ta hapu asa do nase'o hata esa boen, metema ana ta nanuu ta'du-tana ndia, fo nde bana ndia na'de na, do nafa'da na'dek ndia.

3 YOHANIS 1:9

Au sulak fe Salani kala, susula keke'u anak ia so, tehu Diotrefes fo ana hii da'di mauli-malangan nai Salani ka dalek ndia, ana ta nau tunga au fa.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

GALATIA 2:15

Memak tunga bobongi ka soona, ami ia hataholi Yahudi, te ta “hataholi ta Yahudi masala-masingok fa”.

YOHANIS 9:40

Tehu hataholi Farisi de'ubee lai ndia de, lamanene Yesus natane hataholi ndia nae leondia boema, latane Yesus lae, “Ade O maedaenga ami ia boeo pokek do?”

YOHANIS 9:35

Yesus namanene lae, ala ta nau sipo hataholi ndia, neu leo uma mamasok dale neu so'on boema, Ana sanga hataholi ndia de nafa'dan nae, “Ade o mamahele Ana Hataholi ka do ta?”

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

LUKAS 11:45

Mese agama esa nafa'da Yesus nae, “Tunggulu, no hala-kokolak sila la, Tuan makamumulu-makamamaek ami boe!”

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

YESAYA 65:5

Lafa'da lae, ‘Madook aoinam-ma meme ia mai, fo boso koila'e ami, nana ami malalao-malalafuk, ma nanata'da fe'ek neme emi mai!’ Au ta akatatakak mete sila ha'da-tataon fa! Au nasa-melung soaneu sila, sama leo ha'i manamate tak-ka.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

AMSAL 26:12

Hataholi fo, nggoan-na seli, malole lena neme hataholi fo, nafa'da nae ndia hataholi malelak.

AMSAL 22:10

Usi heni hataholi fo, ana nau nakamumulu-nakamamaek hataholi, soona nale'a-napilik ta, esa ta musu no esa, ma esa ta nakamuu-nakadau esa so'on.

AYUB 14:4

Ade, hapu hataholi daebafak masala-masingok-ka, bisa neni hata fo, matetu-mandaak do?

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

KELUARAN 2:14

Hataholi ndia nataa nae, “See kande ndo ei o da'di ami mauli-malangam, ma ami manakee-manafulam? Ade o sanga taomisa au boe, sama leo huas-sa, o taomisa hataholi Masir ndia do?” Boema Musa bii, de ana dodoo nae, “Soe! Au tatao-nono'ing ndia nanabubuluk so.”

3 YOHANIS 1:10

Mahani te, metema au ne'i soona, de'i fo au ofe heni basa tatao-nono'in lala'ena, fo nde tatao-nono'i mangalaun ma masapepeko-masandandalin neu ami a! Tehu tatao-nono'in ndia, beita dai fan. Nai lelek fo nonoo Salani kala leu leo kota ndia leu boeo, ana ta nau sipo kasa fa. Lena-lenak bai, nafa'da hataholi mana sipok tolanook sila la, fo ladenu hataholi sila kalua la'oela Salani kala!