YOHANIS 7:42 - Susula Malalaok Hehelu Palak Ma Hehelu Beuk

⁴² Nana, nanasulak nai Susula Malalaok dale nae, Mane Mana Fe So'da ka nde bee na, Dauk tititi-nonosin, boema neukose Ana mai neme Dauk nggolo-ta'dun, fo Betlehem dei.”

YOHANIS 7:42 Referans Kwoze

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MATEOS 2:5

Boema lae, “Nai kota Betlehem fo nai nusa Yudea. Nanahu nabi esa, ana sulak basan nae leo ia,

LUKAS 2:4

Hu ka nde Yusuf ia Dauk tititi-nonosin de ana muse la'o neme Nazaret fo nai Galilea leo Betlehem nai Yudea neu, fo mamanak bongi Mane Dauk-ka.

YEREMIA 23:5

Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

LUKAS 2:11

Faik ia nai Dauk kota na, bongi basa Mane Mana Fe So'da ka, fo nde Kristus fo Lamatua ka so.

MATEOS 1:1

Yesus Kristus momoli-dada'din leo iak: Yesus nde bee na Dauk tititi-nonosin, fo Dauk ia Abraham tititi-nonosin. Ala sulak la Yesus bei-ba'ikai nala, mulai neme Abraham losa Dauk na'de nala nde ia:

YESAYA 11:1

Mane Dauk-ka, tititi-nonosin sama leo ai nanalo'o henik-ka so. Tehu sama leo ai nanalo'o henik ndia huun-na nape'du beu, leondiak boe, neukose manek esa ana to'da mai neme Dauk tititi-nonosin mai.

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

MAZMUR 89:4

O mafa'da mae, “Au tao basa hehelu-balataak o hataholi fo Au helek-ka so; Au soo-supa basa neu Au atang Dauk ae:

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

YOHANIS 7:27

Tehu metema Mane Mana Fe So'dak ndia mai soona, hataholi esa boeo, ta bubuluk Ana mai neme bee mai fa! Te see ko na ita bubuluk hataholi ia, ana da'di neme bee mai so.”

SEMUEL SUSULAK-KA ESAN-NA 17:58

Boema, Saul natanen nae, “Hai, touana muli-soluk-konei! See anan o?” Dauk nataa nae, “Atam ia, Isai neme Betlehem mai, anan au.”

SEMUEL SUSULAK-KA ESAN-NA 16:4

Semuel taon sama leo Manetualain nafa'dak-ka. Lelek ana losa Betlehem boema, basa mauli-malangan kota, sipok-kana no nggenggengek ma latane lae, “Ade, Ama mamain ia, neni so'da-molek do?”

MATEOS 2:6

‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”

1 TAWARIKH 2:51

Salma fo ana ka dua, nde napadedeik kota Betlehem-ma; ma Haref fo ana ka 3-a, nde napadedeik kota Bet-Gader-ra.