YOHANIS 6:9 - Susula Malalaok Hehelu Palak Ma Hehelu Beuk

⁹ “Ni'iana touanak esa nai ia, nini loti lima ma i'ak boak dua. Tehu ndia sosoa-ndandaan ta soaneu hataholi de'u-de'u basa ia la?”

YOHANIS 6:9 Referans Kwoze

LUKAS 9:13

Tehu Yesus nataa nae, “Ka'da emi fes la'a.” Yesus ana manatunga nala lae, “Tehu ami lotim ka'da lima, ma i'ak boak dua nde ia. Ade ami muse meu asa nana'ak soaneu basa hataholi ia la do?”

MARKUS 6:38

Boema Yesus natanes nae, “Emi lotim ba'ubee nai ndia? Meu mete su'di kasa.” Leu meten boema lafa'da Yesus lae, “Hapu loti lima ma i'ak boak dua.”

MATEOS 14:17

Boema Yesus ana mana tunga nala lae, “Ami mini ka'da loti biak lima, ma i'ak boak dua nde ia!”

MAZMUR 78:19

Ala la'ban Manetualain, nenik lafa'da lae, “Ade, Manetualainnapalani fe ita ta'a nai moo solokaek-ka do?

MATEOS 16:9

Emi ta malela kana boen do? Ade emi ta mafandele loti kalimak fo, Au tete'i fen neu hataholi lifun lima la'a ndia fa do? Boema la'a ela loti la, emi hehele ma lepeneu de'u bee ndia fa do?

MARKUS 8:19

loti kalimak fo Au tete'i fen neu hataholi lifu kalima kala la'a fa do? Emi hehele makabubua nana'aela kala, lepeneu henuk de'ubee?” Boema lataa lae, “Sanahulu dua.”

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

MAZMUR 147:14

Ana nanea o nusam-ma, fo ela nee-nee lino-lino nahele, ma Ana fe o makabete minik gandum malole.

MAZMUR 81:16

Hataholi fo, lakamuu-lakadau Au-a, neukose Au fes lakaluku-lakatele neu Au, neukose sila nanahukuk losa dodoon-na.

ULANGAN 8:8

Nusak ndia, ana fe buna-boa mata-matak-kala, fo nde gandum, angol, kaa boak, dalima boak, ai setun ma fanioe.

NINITAK 6:6

Ma au amanene hata esa nenenen sama leo hala ka nalo bou-bou neme mahahae kahak sila la tala'da mai. Halak ndia nae “Gandum malole litel esa beli na ba'u ngga'di faik esa, ma gandum matafe'ek litel telu, beli na ba'u ngga'di faik esa boe. Tehu boso tao malutu ai zetun nala ma osi ango la!”

YOHANIS 11:32

Maria losa mamanak ndia de nita Yesus boema, ana senek neu mata na de nafa'dan nae, “Lamatuak, leo uni ka lelek ndia, Lamatua ka nai ia soona, tao leo bee o, au tolanoo nga ta mate fan.”

YOHANIS 11:21

Boema Marta nafa'da Yesus nae, “Lamatuak, leo uni ka lelek ndia, Lamatua ka nai ia soona, tao leo bee o au tolanoo nga ta mate fan.

YOHANIS 6:7

Boema Felipus nae, “Ita asa loti, doi isi lilofulak natun dua boeo, tao leo bee o, ta dai hataholi ia la la'a fa, leomae esa na hapu ka'da faa anak boe.”

YESKIAL 27:17

Yehuda ma Israel, ala tuka o bua dangam-mala nenik gandum, fanioe, mina setun, ma bumbu-bumbu.

MAZMUR 78:41

Ala so'ba Manetualain la'i ba'uk-ka, ala tao susa Israel Manetualain Fo Malalao-malalafuk-ka.

2RAJA-RAJA 7:1

Elisa nataa nae, “Mamanene hata fo, Manetualain nafa'dan! Balahaa fafa'kama nai faik fo sama leo ia, ka'da no doifulak 1, hataholi-a, ana bisa asa gandum malolehiik kilo 3 do gandum mata fe'ek kilo 6.”

1RAJA-RAJA 4:28

Bupati sila esa-esak boeo fe gandum ma ha'deaik soaneu Salomo ndalan-na la, nau ndala sasa'ek do ndala manahela kaleta la boe. Leni bana sila nana'a na leo ndala-la lalae na neu fo dede'un-na, ba'u ala paluu ka.

ULANGAN 32:14

Ala hapu kapaoe makadotok neme sila sapin-nala, bi'ihiin-nala ma sila bi'ilopon-nala mai; sila bana-manun nde maao-la sila gandum ma angol-la nde malole nanseli.

YOHANIS 6:11

Basa boema Yesus ho'i na loti sila la, boema noke makasi neu Manetualain. Basa ndia boema, Ana baba'e loti ndia neu hataholi makadotok sila la de la'a. La'a basa loti ndia boema, Ana baba'e fe selu kasa i'ak ndia, de la'a losa lakabete.

YOHANIS 21:9

Ala kona leme ofak lain mai, te lita ha'i a folokakaan nai dano su'u na, tehu lita i'ak ma loti nai ha'i lain.

YOHANIS 21:10

Boema Yesus nafa'das nae, “Mini su'dik i'ak fo besa ka emi ho'u ma kala, boak de'ubee leo ia mai dei.”

YOHANIS 21:13

Basa boema Yesus neu nangatuuk deka nos, boema Ana ho'i na loti ndia, de Ana fe ana manatunga nala. I'a ka boeo, Ana tao leondiak.