YOHANIS 6:69 - Susula Malalaok Hehelu Palak Ma Hehelu Beuk

⁶⁹ hu ndia de ami mamahele so, boema ami mamahele Lamatua ka nde hataholi malalaok fo Manetualain nadenun mai leo daebafa ka mai a.”

YOHANIS 6:69 Referans Kwoze

YOHANIS 11:27

Boema Marta nae, “Lamatuak, au amahele Lamatua ka Manetualain Anan, fo Manek Mana Fe So'da ka neukose Ana mai leo daebafak ia mai.”

LUKAS 9:20

Yesus natane nae, “Tehu tunga emi soona, Au ia see?”. Petrus nataa nae, “Ama nde bee na Mane Mana Fe So'dak fo Manetualain helu ka.”

MARKUS 8:29

Yesus natanes nae, “Tehu tunga emi soona, Au ia see?” Boema Petrus nataa nae, “Ama nde Mane Mana Fe So'da ka!”

1 YOHANIS 5:1

Metema see namahele Mane Mana Fe So'dak fo Manetualain helu ka, fo nde Yesus soona, Manetualai nanan hataholi ndia. Boema metema hataholi a ana sue-lai amak esa, soona ana sue-lai ana na boe.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

ROMA 1:3

Hala Malole ndia, ana tui la'eneu Manetualain Anan, fo ita Lamatuan Yesus Kristus. Fo tunga hataholi daebafa ka hahapu na soona, Yesus Kristus ndia nde bee na Dauk tititi-nonosin,

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

MARKUS 1:24

“Hei Yesus fo Hataholi Nazaret. O sanga tao ami le'e ia? O mai soaneu O tao makalulutuk ami do? Au bubuluk see O. O ia Hataholi nadedenu malalaok neme Manetualain mai!”

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

HATAHOLI 8:36

Ala losa mamanak esa nai eno tala'dak boema hapu oe nai ndia. Boema pegawi matua-madema ndia nafa'da Felipus nae, “Mitak oe a nde ndia so! Bei kulang beek seluk bai soaneu salani au?”

MARKUS 1:1

Hala Malole ia nde bee soona, la'eneu Yesus Kristus fo Manetualain Ana na.

YOHANIS 10:36

naa, tao le'e de emi mafa'da mae, Au akamumulu-akamamaek Manetualain, hu ka nde Au afa'da ae, Manetualain Anan Au? Te see ko na, Manetualain nde hele Au de nadenu Au mai leo daebafa ka mai.

EFESUS 4:13

No leondia ka de, ita basa-basa tala da'di esa, hu ka nde namahehelek matak esa, ma malelak matak esa, la'eneu Manetualain Ana na. Fo ita da'di touinak nai namahehele ka dalek, fo boetai tatetu-tandaa, sama leo Kristus.

1 YOHANIS 4:16

Ita nde bubuluk ma tamahele Manetualain susue-lalain neu ita. Manetualain ndia nde, susue-lalai ka huu na. Hu ndia de, metema susue-lalai ka nai see dalen dale soona, hataholi ndia naso'da no Manetualain ma Manetualain naso'da no hataholi ndia.