YOHANIS 6:42 - Susula Malalaok Hehelu Palak Ma Hehelu Beuk

⁴² Boema lakokola aok lae, “Ade hataholi ia, ta nde Yesus fo Yusuf ana na nde ndia hetu? Ami malelak ina ama nala! Naa, tao le'e de nafa'da nae, Ndia kona neme nusa so'da ka mai?”

YOHANIS 6:42 Referans Kwoze

LUKAS 4:22

Ana kokolak dede'a-kokola kala neulau hiik, nalosa hataholi la bafa nala bee poo ma ala sipok hata fo nafa'da ka. Tehu lafa'da lae, “Ade Yusuf ana na, ta nde ia fa hetu?”

MARKUS 6:3

Ade Hataholi ia ta nde tuka ai fo Maria ana na, ma Yakobis, Yoses, boema Simon, tolanoo na nde ndia hetu? Hei, tolanoo ina nala boeo ala leo lai ia.” Hu ndia de, ala ta sipo kana fa.

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.

1 KORINTUS 15:47

Adam makasososa ka, da'di neme dae a mai, tehu Adam kadua da'di neme nusa so'da ka mai.

YOHANIS 6:62

Dede'ak ndia dada'di na tao leo bee ko, ela metema emi mita Ana Hataholi ka kae falik ne'un leo mamana makasososa na neu dei?

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

YOHANIS 3:13

Ta hapu hataholi esa, ana kae leo nusa so'da ka neu boen, ka'da ka Ndia fo manakona leo daebafa ka mai, fo nde Ana Hataholi ka.

YOHANIS 6:43

Boema Yesus nafa'das nae, “Boso makamu.