YOHANIS 5:7 - Susula Malalaok Hehelu Palak Ma Hehelu Beuk

⁷ Boema hataholi kamahe'dis ndia nataa nae, “Ama, nai lelek fo lifu oe na nako'ba soona, ta hapu hataholi nai ia, fo ana ko'o au leo lifu ndia dalek neu fa. Boema au bei sanga ae u leo lifu dale u te, hataholi fe'ek nakahuluk leo dalek neu so.”

YOHANIS 5:7 Referans Kwoze

MAZMUR 72:12

Nana ana soi-po'i hataholi nanatuni-ndenik, fo ta lanuu manatulu-fali fa, ma hataholi nuu ta-hata tak, fo laloo bou-bou neun.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

1 KORINTUS 9:24

Tolanoo ka tao leo bee o bubuluk basa nai nakasusu'di ka dalek, basa mana tunga kala tunga lalaik, tehu ka'da hataholi esa sipo palsen. Hu ndia de, malaik mapane'e fo tolanoo ka sipo palsee na.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

ROMA 5:6

Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.

YOHANIS 5:3

Hataholi kamahe'dis makadotok bekendoo neu ka lai kama sila la dalek. Nggelok pokek, nggelok ei helak, ma nggelok lu'uk. [Basa-basas lahani lifu ndia oe na nako'ba.

YOHANIS 5:2

Nai Yerusalem hapu lifu esa ana deka no “Lelesu Bi'ilopo.” Tunga dede'a Ibrani soona, lifu ndia na'de, Betesda. Nai ndia hapu kama lima.

YOHANIS 5:4

Nana hapu faik fo Manetualain ata nusa so'da na kona leo lifu ndia dalek neu, fo ana koko'bak oe na. Metema lifu ndia oe na nako'ba, fo hataholi kamahe'dis see kona nakahuluk leo lifu ndia dalek neu soona, leomae he'di matak leo beek ndia boeo, ana hai tutik.]

YOHANIS 5:6

Yesus nita hataholi ndia nakandondoo boema Ana bubuluk, hataholi ndia namahe'di doo ka ndia so. Boema Yesus natanen nae, “O nau hai do ta?”