YOHANIS 4:45 - Susula Malalaok Hehelu Palak Ma Hehelu Beuk

⁴⁵ Tehu Ana losa Galilea boema, hataholi sila la sipo kana no namahokok, nanahu lita basa hata fo Yesus taon, nai faik fo Fai Paskah neme Yerusalem.

YOHANIS 4:45 Referans Kwoze

YOHANIS 2:23

Feta Paskah losa so, te Yesus bei nahele nai Yerusalem, boema Ana tao manda'di beuk ba'u ka, de nalosa hataholi ba'u ka lamahelen.

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

ULANGAN 16:16

Basa touk Israel-la, muse mai sene-do'ok neu emi Manetualaim-ma, nai Ana hele mamanak-ka, teuk esa soona, la'i telu, fo nde nai Feta Paskah, nai Feta Keketu-kokoluk, ma Feta Lalaa Akidook-ka. Basa hataholi-la, muse leni tunu-hotuk,

LUKAS 9:53

Tehu hataholi manai nggolok ndia, ta nau sipok Yesus fa, nana litan, Ana bei la'o-la'o leo Yerusalem neu.

LUKAS 8:40

Lelek Yesus fali leo dano a selik neu boema, hataholi la sipo kana no namahokok nanahu lahani talu-talu lon.

LUKAS 13:1

Nai lelek ndia, hataholi tui Yesus la'eneu Pilatus taonisa hataholi Galilea de'ubee, nai lelek ala fe tutunu-hohotuk neu Manetualain.

YOHANIS 4:54

Yesus tao manda'di beuk kadua nde ndia, fo nai faik fo neme Yudea leo Galilea neu.