YOHANIS 3:34 - Susula Malalaok Hehelu Palak Ma Hehelu Beuk

³⁴ Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

YOHANIS 3:34 Referans Kwoze

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

MATEOS 12:18

Nae, “Ia nde bee na, Au Atang fo nanahele ka, Hataholi fo Au sue-lai ka, ma nandaa no Au dale nga. Neukose Au fen, Au Dula Dale nga, Neukose ana tui-benga Au nakeketu ndo nga neu basa leoina la.

KOLOSE 2:9

Nanahu basa Manetualain ha'da-tataon lala'e na, hapun nai Kristu sao paa hataholi daebafa na dalek.

YOHANIS 5:26

Sama na leo Ama ka nde maso'da ka huu na, boema Ana fe Ana na boeo, Ana da'di maso'da ka huu na.

LUKAS 4:18

“Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala

KOLOSE 1:19

Manetualain fe la'i esak koasa paletan neu Kristus,

ROMA 8:2

Nana Manetualain Dula Dale na hoholo-lalanen fo manafe ita da'di esa to Kristus Yesu sa, ndia nde soi-tefa na au eme hoholo-lalanek fo manini sala-singok ma mamates ndia mai so.

YOHANIS 7:16

Boema Yesus nae, “Fo Au fe nanolik ia la, Au nanoling ta sila fa, te Hataholi manamadenu Au a, nanolin sila la.

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 1:16

Hataholi ndia henuk no susue-lalai ka; susue-lalain manaketu basa tak. Ana ba'e-pala ita.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

YOHANIS 8:47

Hataholi fo ana da'di neme Manetualain mai soona, neukose namanene Manetualain dede'a-kokolan. Tehu emi ta da'di meme Manetualain mai fa, hu ndia de, emi ta nau mamanene fan.”

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

YOHANIS 16:7

Tehu Au afa'da emi no ndoos te, metema Au u soona, ndia nde malole soaneu emi, nanahu metema Au ta u fa soona, neukose Mana Tulu-Fali ndia, ana ta mai neu emi fa. Tehu metema Au u soona, neukose Au adenun fo Ana mai leo emi mai.

2RAJA-RAJA 2:9

Ala losa lee selik boema, Elia nafa'da Elisa nae, “Moke hata fo, o mahiik-kana neme au mai leona, beidai Manetualain beita so'u au, fo au la'oela o fa!” Boema Elisa nataa nae, “Makona Ama koasan-na leo au mai, fo ela au nggati Ama.”

BILANGAN 11:25

Boema Manetualain kona nai ko'as dale, de Ana kokolak no Musa. Manetualain ho'in-na koasa fo Ana fe basa Musa seli ndia, de Ana fen leo mauli-malangan ka hituhuluk sila-la neu. Lelek Manetualain Duladalen-na kona neu hataholi sila-la lain boema, ala mulai laloo beebou sama leo nabi-a, tehu ta dook-ka fa.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

YOHANIS 8:40

Au tui-benga fe emi eno ndoos fo Au amanenen neme Manetualain mai, tehu emi nau taomisa Au. Soona Abraham tatao-nono'in ta leondiak fa!

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

HATAHOLI 1:2

losa faik fo, nanaso'u falik leo nusa so'da ka neu. Ana beita kae falik leo nusa so'da ka no Manetualain Dula Dale na koasan ndia fa te, Ana fe hataholi nadedenu nanahele nala natutu'duk.

IMAMAT 7:35

Neme nana'ak fo nanatunu-hotuk ba'eneu Manetualain-na, baba'ek ndia nde Ana fen neu Harun no anan-nala, nai faik fo nanandoo eik da'di imam.