YOHANIS 2:4 - Susula Malalaok Hehelu Palak Ma Hehelu Beuk

⁴ Boema Yesus nafa'da inan nae, “Ina, boso madenu Au. Te fai nga beita losa, soaneu Au atu'du au aoina nga fa.”

YOHANIS 2:4 Referans Kwoze

YOHANIS 7:6

Boema Yesus nafa'das nae, “Au fai nga beita losa fa, tehu soaneu emi soona, emi hapu loak nai basa fai lala'ena.

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 8:20

Yesus kokolak basa dede'ak sila la, ndek lelek fo nanoli neme Manetualain Uman dale. Ndia te, napadeik deka no peti doi ka. Tehu hataholi esa boen ta napalani ho'u fan, nana fai na beita losa fa.

YOHANIS 7:30

No hatematak ndia boe, ala nau ho'u la Yesus leona, tehu esa boeo ta napalani tai la'e fan, nana fai na beita losa fa.

YOHANIS 12:23

Yesus nafa'das nae, “Fai na losa, soaneu Ana Hataholi ka nananamatutua-namadedemak.

PENGKHOTBAH 3:1

Basa hata lala'en-na nai daebafak ia ana da'di nai faik fo Manetualain naketu basan so.

MATEOS 8:29

Duas kalua leme lea-luak manai lates sila la dalek mai, de ala nggasi lae, “Manetualain Anan O, de O sanga tao ami le'e ia? Ade O sanga tao doidoso ami, leomae fai na beita losa fa do?”

2 SEMUEL 19:22

Tehu, Dauk nafa'da Abisai ma ka'an Yoab nae, “Boso sese'dok nai dede'ak ia dalek. Tao le'e de, emi tao susa au? Nai faik ia dalen-na, au da'di manek seluk neu Israel, de ta bole hukunisa hataholi Israel esa boen.”

2 SEMUEL 16:10

Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

YOHANIS 20:15

Boema Yesus natanen nae, “Ina, te tao le'e de, ina kii? Ina sanga see?” Tehu Maria naedaenga manamanea osi a nde ndia de nafa'dan nae, “Ama, metema Ama nde pe'da heo kana neme ia mai soona, ama sue na mafa'da au, Ama pe'dan nai bee, fo daenga au u ho'i fali kana.”

YOHANIS 20:13

Boema ata nusa so'dak sila latanen lae, “Ina, te tao le'e de o kii?” Boema Maria nae, “Ala ko'o lini au Lamatua nga so, de au ta bubuluk ala pe'dan nai bee fa.”

LUKAS 2:49

Yesus nataa nae, “Tao le'e de, ama no ina sanga Au? Ade ama no ina ta bubuluk mae, Au muse nai Au Ama nga Uman dale fa do?”

MATEOS 15:28

Boema Yesus nafa'dan nae, Ina, o namahehele ma te'e-te'e ba'u na seli. Neme na fo, hata fo o mahii kana, ana da'di leona! No hate matak ndia boe, inak ndia ana na, ana hai.

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

1RAJA-RAJA 17:18

Boema inafalu ndia nafa'da Elia nae, “Manetualain Atan-na nei, taole'e de Ama tao leo iak soaneu au? Ade Ama mai fo tao ma Manetualain nafandele au sala-singong, nalosa au anang-nga muse maten do?”

YOHANIS 2:3

Tehu hataholi la la'a-linu boema, Yesus inan nafa'da Yesus nae, “Basa ango la so.”

YOHANIS 7:8

Emi mesa ma meu leo fai matua ndia meu. Te Au ta u fa, nanahu Au fai nga beita losa fa.”