YOHANIS 17:7 - Susula Malalaok Hehelu Palak Ma Hehelu Beuk

⁷ Besak ia, ala bubuluk basa, hata fo Ama ka fes leu Au a, basa-basas ala da'di leme Ama ka mai.

YOHANIS 17:7 Referans Kwoze

YOHANIS 16:15

Ama ka nuun bee soona, Au nuung ndia. Hu ndia de, Au afa'da ae, hata fo Dula Dale ka nafa'dan neu emi soona, Ana sipon neme Au a mai.”

YOHANIS 17:10

Au hata-hetong lala'ena nde bee soona, Ama ka hata-heton boe, boema basa Ama ka hata-heton lala'ena nde bee soona, Au hata-hetong boe. Au nananamatutua-namadedemak nai sila dalek.

YOHANIS 8:28

Hu ndia de, Yesus nafa'das nae, “Neme na fo metema emi so'u mamadema Ana Hataholi ka soona, besa ka emi bubuluk mae, ‘Au Nde Ndia, fo lafa'da lae, AU NDE NDIA’, boema besa ka emi bubuluk, te Au ta hapu tao hata esa boen, tunga Au hihii-anau mesa nga fa. Au afa'da ka'da hata fo Ama ka nanolin neu Au a.

YOHANIS 14:20

Metema faik ndia losa soona, neukose emi bubuluk mae, Au da'di esa o Ama ka, boema emi da'di esa mo Au, ma Au da'di esa o emi.

YOHANIS 17:6

Au fe Ama ka nalelak basa hataholi daebafak fo Ama ka fe basan neu Au so. Hataholi sila la, Ama ka nuun, boema Ama ka fe basa-basas leo Au mai, de ala tunga Ama ka dede'a-kokolan so.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.