YOHANIS 16:3 - Susula Malalaok Hehelu Palak Ma Hehelu Beuk

³ Ala tao emi leondiak nanahu beita lalelak Ama ka ma Au boe,

YOHANIS 16:3 Referans Kwoze

YOHANIS 15:21

Neukose ala tao emi leondiak, nanahu Au ana manatungang emi, hu ka nde ta lalelak Ndia fo manamadenu Au a fa.

YOHANIS 17:25

Amak fo matetu ka! Daebafa ka ta nalelak Ama fa, tehu Au alelak Ama, ma hataholi ia la bubuluk basa, Ama ka nde nadenu Au a.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

YOHANIS 8:55

te see ko na emi ta malela kana fa. Tehu Au alela kana. Leo uni ka Au afa'da ae, Au ta alela kana fa soona, Au hataholi masapepekok, sama na leo emi boe. Tehu Au alela kana, boema Au tunga dede'a-kokolan.

YOHANIS 8:19

Boema hataholi Farisi la latane Yesus lae, “Te O Amam ndia nai bee?” Tuti ka Yesus nataa nae, “Emi ta malelak Au o Au Amang fa. Leo uni ka emi malelak Au soona, tao leo bee o emi malelak Au Amang boe.”

1 YOHANIS 4:8

Hataholi dale susue-lalai taa ka, ta nalelak Manetualain fa, nana Manetualain ndia, susue ka huu na.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

1 KORINTUS 2:8

Ta hapu hataholi esa boen neme manakoasa lelek besak ia la, lalelak manatee tenok ndia fa. Nana leo uni ka lalela kana soona, neukose ala ta lona-nggange Lamatuak fo mandela-masa'ak ndia fa.

YOHANIS 15:23

Metema hataholi nakamu-nakadau Au soona, nakamu-nakadau Au Ama nga.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

1 TIMOTIUS 1:13

leomae makahulu na, au tao anggenggeo na'de na, au fepa-li'un boema au akamumulu-akamamae kana. Tehu Manetualain sue-lai au, nana lelek ndia, au beita amahele fa de, au ta bubuluk hata fo au taok ndia fa.

HATAHOLI 3:17

Tolano-tolanoo ngala lemin! Besak ia, au bubuluk basa hata fo emi mo emi mauli-malanga mala taon soaneu Yesus. Emi tao tataos ndia nana emi ta bubuluk hata fo emi taon ndia fa.

1 YOHANIS 2:23

Metema see ta sipok Ana ka fa soona, ana ta sipok Ama ka boen. Tehu metema see sipok Ana ka soona, ana sipok Ama ka boe.