YOHANIS 15:15 - Susula Malalaok Hehelu Palak Ma Hehelu Beuk

¹⁵ Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YOHANIS 15:15 Referans Kwoze

MAZMUR 25:14

Manetualain nde been-na, hataholi kamahehelek-ka tia-lain, nafa'da dudu'a-aafin neus.

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

YAKOBIS 2:23

Dede'ak ndia nandaa no Susula Malalao ka lalanen esa nde ia nae, “Abraham namahele Manetualain, ma hu ka nde namahehelen ndia de, Manetualain sipo kana, da'dileo hataholi mana tao tunga Manetualain hihii-nanaun.” Hu ndia de loke Abraham lae, “Manetualain tia-lain.”

KOLOSE 1:26

halak fo neme teu netek eli mai a, Manetualain nafunin soaneu hataholi daebafa ka lala'ena, tehu besak ia nanatui-bengak neu Manetualain salani nala so.

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.

EFESUS 3:5

Makahulu na Lamatua ka beita nafa'da nita dede'a nafunik ndia neu hataholi fa, tehu besak ia, Manetualain Dula Dale na nafa'dan neu Lamatua ka hataholi nadedenu nala lo nabi nala so.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

GALATIA 4:6

Hu ka nde emi ia Manetualai nana nala, de Manetualain nadenu Ana na Dula Dale na masok leo emi dalem dale ma au daleng dale, fo nde Dula Dalek fo nalo bou-bou nae, “Ama, ou au Amang.”

YOHANIS 12:26

Hataholi see nau nalalau-naoono Au soona, ana muse tunga Au, fo sue ka nde Au nai bee soona, Au malalau-maoono ngala boeo lai ndia. Hataholi see nalalau-naoono Au soona, neukose Au Amang fe ha'da-holomata neun.”

YOHANIS 8:26

Au bei sanga kokolak o emi dede'a ba'u, boema Au afa'da Au nakeketung soaneu emi a. Nana Ndia fo manamadenu Au a, hapu tamahelen. Hu ndia de, Au amanene beek neme Ndia mai soona, Au afa'dan neu daebafa ka.”

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

FILEMON 1:16

Besak ia, ana ta da'di ata esa soaneu ka'da tolano ka mesa kana fa; tehu lena neme ndia mai. Ndia nde bee na, hataholi kamahehele susue-lalaik boe. Sosoa-ndandaan ba'u na seli soaneu au, lena-lenak soaneu o bai! Tao leo bee o, sosoa-ndandaan ba'u na seli, nau da'dileo ata do da'dileo tolanook nai Lamatua ka dalek!

YOHANIS 17:26

Au afa'da basa Ama, hataholi sila na'de nala so, ma neukose Au tao leondiak akandoo, fo ela Ama ka susue-lalain neu Au a, nahele nai dale nala dalek, fo sue ka nde Au da'di esa os.”

YOHANIS 15:20

Mafandendelek hata fo Au afa'da basan neu emi ae, ‘Ata ta ba'u lenaheni lamatua na fa.’ Metema ala fepa-li'u basa Au soona, neukose ala fepa-li'u emi boe. Metema ala tunga Au nanoli nga soona, neukose ala tunga emi nanoli ma boe.

YOHANIS 13:16

Au dede'ang ia tete'e ka la'en, Ata esa, ta ba'ulena tua na, ma hataholi nadedenuk esa, ta ba'ulena hataholi manamadenu nana fa.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

YOHANIS 4:19

Boema inak ndia nae, “Besa ka au bubuluk, Tuan nde bee na, nabi esa.

LUKAS 10:23

Boema Yesus lipa leo ana manatunga nala neu, basa boema nafa'das mesa kasa nae, “Emi maua-manale nana emi mita basa hata fo emi mitan besak ia.

AMSAL 18:24

Hapu tia-laik fo, ana ta lilineka fa, tehu hapu nggelok malole-na seli, neme tolanook esa mai.

YOHANIS 16:12

Au sanga afa'da emi dede'ak ba'u ka seluk bai, tehu besak ia, emi beita sipo mabe'i fan.

ROMA 7:15

Nana au boeo, ta bubuluk au tatao-nono'ing fa. Tatao-nono'i malole a soona, au ta tao fan, tehu au tao tatao-nono'i mangalau ka.

1 KORINTUS 2:16

Nai Susula Malalaok dale nanasulak nae, “See ka nde bubuluk Manetualain dudu'a-aafin? Ma see ka nde napalani nanoli-nafa'da nana?” Ita nde tanuu dudu'a-aafik fo sama no Kristu sa!