YOHANIS 12:29 - Susula Malalaok Hehelu Palak Ma Hehelu Beuk

²⁹ Hataholi makadotok manai sila la, lamanene halak ndia boe. Boema lae, “Mangguluk ndia!” Tehu nggelok soona lae, “Ta! Ata nusa so'da ka kokolak non!”

YOHANIS 12:29 Referans Kwoze

NINITAK 14:2

Boema au amanene hala ka neme lalai mai, nanggu sama leo oe lili'do matuaina ma sama leo manggulu ka nanggulu matuaina. Nenene halak ndia soona, sama leo musi kala lalii leme manamakaminak kecapi la mai.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 8:5

Basa boema, ata nusa so'dak ndia ho'i na mango tutunu boominik ndia de, ana ho'i ha'i manai mei tutunu-hohotuk ndia lai na de, ana taon leo dalek neu, boema ana tapan leo daebafa ka neu. Tutika ta'ta sa boeo nata'ta lain, ma ndela sa tuti-nato, boema dae manggengo ka da'di.

NINITAK 6:1

Basa ndia boema, au ita Bi'ilopo Ana ndia siiba'e segel makasososak fo manai segel kahituk sila la. Boema au amanene halak esa nai mahahae kahak sila la dalek nae, “Kalua leona!” Halak ndia nggu na sama leo ta'ta sa nata'ta.

YESKIAL 10:5

Mahahaek sila-la, lakalalapa li'dan-nala, de lamanenen losa uma so'dan manai deak-ka, sama leo Manetualain Fo Manakoasa, halan-na.

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

KELUARAN 20:18

Lelek hataholi Israel-la lamanene mangguluk-ka, ma pupuuk-ka liin-na, boema lita ndelas-sa ma letek-ka namasu boema, ala dele beengge'be, ma ala bii-lamata'u ma lapadeik lai dook-ka.

KELUARAN 19:16

Nai fai ka telun-na fafaik boema, mangguluk-ka no ta'tas-sa da'di. Ko'a makateina ana da'di nai letek lain, ma lamanene pupuuk-ka liin-na, tanen-na seli. Basa hataholi manai ofu dale-la ala bii, de ala dele beengge'be.

HATAHOLI 9:7

Hataholi mana tunga sama-sama lo Saulu sa ala nggenge la, nalosa ala ta hapu lahala fa; nana lamanene halak ndia, tehu ta lita hataholi esa boen.