YOHANIS 12:21 - Susula Malalaok Hehelu Palak Ma Hehelu Beuk

²¹ Leu leo Felipus leu de lafa'dan lae, “Tolanoo ei, metema o nau soona, ami mahiik matongo mo Yesus.” (Bongi Felipus neme Betsaida fo nai Galilea.)

YOHANIS 12:21 Referans Kwoze

MATEOS 2:2

Latane basa mamanak lala'e na lae, “Ala bongi ni'i ana fo Ana sanga da'di hataholi Yahudi la manen ndia nai bee? Ami mita nduu ka ana tii nai dulu so. Nduuk ndia ana da'di ta'du-tana esa nae, manek ndia nanabongik so Hu ndia de ami mai sangan, fo ami sanga sene-do'o kana.”

YOHANIS 6:40

Fo memak dede'ak ndia nde nandaa no Au Amang hihii-nanau na. Au Amang hihii-nanaun nde, metema see nita Ana ka fo namahelen soona, ana hapu maso'da matetu ka, ma manaketu basa ta ka, boema Au tao aso'da fali kasa nai Fai Mate'e ka.”

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

YOHANIS 1:48

Boema Natanael natane Yesus nae, “Te tao leo bee de Ama malelak au?” Tutika Yesus naen nae, “Felipus beita nalo o fa, te Au ita o mangatuuk meme ai ka huu na so.”