YOHANIS 11:55 - Susula Malalaok Hehelu Palak Ma Hehelu Beuk

⁵⁵ Nai lelek ndia, Fai Matua Paskah Yahudi a, ana deka so. Hataholi makadotok leme nggolo-ta'du kala mai, fo ala leo Yerusalem leu, fo sue ka nde Feta beita losa fa te, ala tunga lakahuluk ito-ato tao nalalao ao ka.

YOHANIS 11:55 Referans Kwoze

YOHANIS 12:1

Bei faik ne bai soona, besa ka Fai Matua Paskah, boema Yesus neu leo Betania neu. Lasarus fo Yesus nafofo'a fali kana neme mamate sa mai ndia, ana leo nai nggolok ndia.

YOHANIS 6:4

Ndia te, hataholi Yahudi la Fai Paskah Matua na, ana deka so.

YOHANIS 2:13

Hataholi Yahudi la Fai Paskah na deka boema, Yesus neu leo Yerusalem neu.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KEJADIAN 35:2

Boema Yakob nafa'da teidale-bobongin-nala ma basa hataholi manasama-sama loo nana nae, “Neukose ata la'o teme ia mai fo teu leo Betel teu. Nai ndia, neukose au apadedeik mei tunu-hotuk ba'eneu Manetualain fo manatulu-fali basa au nai tepo lelek au to'a taa ma manamasulu-mahapa basa au nai lelek au leo su'di bee u a. Da'di tu'u-tapaheni dodoki-dudula lamatua daebafak nusa dea fo emi ho'uk-kala; tao feta tao nalalao aoinak-ka ma pake bua-lo'a balisi leona.”

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

1 KORINTUS 11:28

Da'di hataholi a esa-esak muse palisak nakahuluk aoina na, fo besa ka na'a loti ma ninu angol ndia.

HATAHOLI 24:18

Nai lelek fo au tao alalao-alalafu basa au ao nga neme Manetualain Uman dale boema lita au. Ta hapu hataholi ba'u lo au nai ndia fa, ma ta hapu tasi'bu nai ndia boen.

YOHANIS 18:28

Bei fafai anak te lo Yesus neme Kayafas uman, leo gobelno la uma mane na neu. Hataholi Yahudi la ta leu leo uma manek dale leu fa, fo ela ala boso tao langgenggeo uma ndia so'da na, tunga agama eno-dalan, nana ala sanga la'a nana'a Paskah ndia so.

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 5:1

Basa ndia de, hataholi Yahudi a feta na losa boema, Yesus neu leo Yerusalem neu.

YOHANIS 2:6

Ndia te, ala sadia la oe henu nggala ne lai ndia, fo hataholi la mai soona, ala safe ei nala, tunga hataholi Yahudi la ha'da na. Nggala sila la, esa soona, fafa'kama nala oe liter natun esa.

MARKUS 14:1

Bei faik dua seluk bai soona, Fai Paskah ma Feta Loti Lalu Tei Ta ka mulai. Lelek ndia, malanga ima mala lo mese agama la, ala sanga enok fo ala ho'u Yesus no denge-dengek fo taolisan.

MATEOS 26:1

Yesus nanoli basa nanolik sila la boema nafa'da ana mana tunga nala nae,

MAZMUR 26:6

Au safe au liman-nga, fo da'di ta'du-tana nae, au salang ta, ma au la'ok okofefeok O mei tunu-hotum, ou Manetualain,

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.

BILANGAN 9:6

Tehu bei hapu hataholi manggenggeok nai sila dalek, nanahu ala koila'e mamates so, de nai faik ndia, sila ta bole tunga feta Paskah fa. Hataholi sila leu leo Musa no Harun leu,

BILANGAN 9:10

nafa'da leoina Israel-la nae, “Metema nai emi do nai emi tititi-nonosim dale, hapu hataholi naggenggeo nanahu ana koila'e mamates so, do bei nai leleo-lala'o dame doo dalek soona, ndia boeo muse tunga feta Paskah ba'eneu Manetualain.

MATEOS 26:2

“Emi bubuluk bei faik dua seluk soona Fai Malole Paskah, fo neukose Ana Hataholi ka nanafe henik soaneu nanalona-nggangek!”

LUKAS 22:1

Feta Loti Ta Pake Lalu Teik fo loken lae Paskah, ana deka so.

HATAHOLI 21:24

Naa, tolanoo ka mu fo tao balisi ao ma sama-sama mos, sa'di tolanoo ka se'ba fes fo ala nggeuheni langa doo nala. No enok ndia, neukose basa hataholi la ala bubuluk lae, hata fo sila lamanenen la'eneu tolanoo ka ndia ta tete'e ka fa, nana tolanoo ka boeo nakalala'ok Musa hoholo-lalanen boe.

HATAHOLI 21:26

Boema Paulus no hataholi kahak sila la leu tunga feta tao balisi ao ka. Basa boema leu leo Manetualain Uman leu fo latanes, bei faik de'ubee bai soona, besa ka feta tao balisi aok ndia basan, ma latanes, sila esa-esak fe tutunu-hohotuk tao leo beek.