YOHANIS 11:44 - Susula Malalaok Hehelu Palak Ma Hehelu Beuk

⁴⁴ Tutika hataholi manamatek ndia, leo deak mai leona. Lima ein bei nanapotik ninik tema mamates, ma mata panan boeo, bei nanapotik nahelek ninik tema popoti na. Boema Yesus nafa'da hataholi manai sila la nae, “Se'iheni tema mamate na, fo ela ana la'ok nalelak.”

YOHANIS 11:44 Referans Kwoze

YOHANIS 5:25

Mamahele leona, te neukose fai na losa, nakalenak fai na losa so, soaneu hataholi manamate kala, neukose lamanene Manetualain Ana na hala na. Boema see namanenen soona, neukose naso'da.

YOHANIS 20:7

tehu tema nanapa'ak nai Yesus langa na, ta deka nai ndia fa te, nanadiku matalololek de nanape'dak nai mamana fe'ek so.

FILIPI 3:21

Ita ao paa tapandoen fo hapu noe henin ia, neukose Kristus tao nasafalin, fo ana da'di sama leo Ndia ao paa mandela-masa'a na. Ana hapu tao tataos ndia, nana hu nanuu koasa soaneu Ana tao-no'i basa hata lala'ena.

YOHANIS 10:30

Au ma Ama ka nde bee na, esa.”

YOHANIS 5:21

Amak ndia nde tao naso'da falik hataholi manamate kala, fo Ana fes maso'da matetu ka ma manaketu basa ta ka. Leondiak boe, Ana ka fe maso'da manaketu basa ta na neu hataholi fo nahiik hapu maso'da ka.

LUKAS 7:15

Tou muli-soluk fo manamate basak ndia ana fo'a de nangatuuk, ma ana mulai kokolak. Boema Yesus fen leo inan neu.

SEMUEL SUSULAK-KA ESAN-NA 2:6

Manetualain tao mamates, ma Ana tao naso'dan boe. Nakona hataholi daebafak-ka leo hataholi manamatek-ka daebafan-na neu. Ma Ndia boeo nde so'u falik-kana neme naa mai.

KEJADIAN 1:3

Manetualain kokolak nae, “Mangale'dok-ka da'di leona!” Boema mangale'dok-ka da'di.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

YOHANIS 19:40

Hataholi kaduak sila la, ala ho'i la Yesus popola na boema, ala popotin ninik tema mamates, no bumbu kaboominik sila la, tunga hataholi Yahudi a ha'da natoi-natonon.

MARKUS 5:43

Tehu Yesus kena ka'is no mahelek, fo ala boso tui-benga dede'ak ndia neu su'di see a boen. Boema nafa'das nae, “Fe ni'iana ndia na'a-ninu leona.”

HOSEA 13:14

Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

YOHANIS 20:5

Tutika ana titino leo lates dale neu te, nita tema mamate sa bei lee-lee nai ndia, tehu ana ta kona leo lates dale neu fa.

YOHANIS 11:39

Ala losa lates boema, Yesus nafa'das nae, “Soliheok batu ndia.” Boema Marta, fo Lasarus tolanoo ina na nae, “Tehu ami matoi basa Lasarus, faik ha ia so Lamatuak. De tao leo bee o, naboo mangalalau so!”

LUKAS 19:20

Malalau-maoono esa ka ana mai de nae, ‘Tuan, Tuan doi na nde ia. Au potin nai lesu dale.

YOHANIS 11:43

Yesus kokolak basa nae leondia boema, nalo napane'e nae, “Lasarus, leo deak mai leona!”