YOHANIS 11:39 - Susula Malalaok Hehelu Palak Ma Hehelu Beuk

³⁹ Ala losa lates boema, Yesus nafa'das nae, “Soliheok batu ndia.” Boema Marta, fo Lasarus tolanoo ina na nae, “Tehu ami matoi basa Lasarus, faik ha ia so Lamatuak. De tao leo bee o, naboo mangalalau so!”

YOHANIS 11:39 Referans Kwoze

YOHANIS 11:17

Lelek Yesus losa mamanak ndia te, latoi-heni Lasarus faik ha ndia so.

MARKUS 16:3

Ala losa eno tala'dak boema, esa kokolak no esa nae, “See nde tulu fali ita fo ana loliheni batu nanatatanak manai late sa?” Nana batu ndia ba'u naseli. Tehu ala losa lates te, lita batu ndia nanalolihenik so.

MAZMUR 49:7

Sila lasalai dean-nala neu su'i-beten-nala, ma ala koao-ndaeao lenik hata-heton-nala.

FILIPI 3:21

Ita ao paa tapandoen fo hapu noe henin ia, neukose Kristus tao nasafalin, fo ana da'di sama leo Ndia ao paa mandela-masa'a na. Ana hapu tao tataos ndia, nana hu nanuu koasa soaneu Ana tao-no'i basa hata lala'ena.

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

HATAHOLI 2:27

Nana, hu O ta po'ilotak au samane nga, nahele neme bolo mamates dale fa. O ta po'ilotak O Atam mana lilinekak ndia pulu po'on ma mopo fan.

MAZMUR 49:14

Hataholi fo, nasalai dean-na neu aoinan-na, ua-nalen leondiak, ma hataholi fo name'da hala-kokolan dai soa, maso'dan nai fai manamaik-ka leondiak boe.

MAZMUR 49:9

Ana fe beek ndia boe, neukose ta dai fa; belin-na ba'un-na seli, soaneu soi samanen-na,

KEJADIAN 23:4

“Au ia, hataholi manamai, de au leo nai tolanook-kala tala'daheon; emi nau soona, au asa-a, dae duduik esa, fo au atoi au saong-nga.”

HATAHOLI 13:36

Dauk tao nakababasak hata fo Manetualain fen tao-no'in, boema maten de latoi lakabubuan no bei ba'ikai nala so boe. Popola na, noeheni la'iesa kana so boe.