YOHANIS 10:3 - Susula Malalaok Hehelu Palak Ma Hehelu Beuk

³ Boema neukose manamanea lelesu a, ana soi fen lelesu fo metema nalo bi'i la esa-esak na'de na soona, lalelak hala na. Basa soona, ana foo bi'i la leo deak leu.

YOHANIS 10:3 Referans Kwoze

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

YOHANIS 10:4

Metema bi'i la laladeak soona, manafoo a nakahuluk, fo bi'i la tunga dea na, nana bi'i la lalelak hala na.

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

YOHANIS 10:14

Au nde manafoo malole. Sama na leo Ama ka nalelak Au, ma Au alelak Ama ka leondiak boe. Au alelak Au bi'ilopo ngala, ma bi'i sila boeo lalelak Au. Au fe la'iesak Au maso'da nga neu bi'i sila la.

NINITAK 3:20

Mete leona! Te Au apadeik nai lelesu bafa na de Au dedelu. Metema hapu hataholi namanene Au hala nga, o ana soi lelesu a soona, neukose Au masok fo Au atongo on; neukose Au u'a sama-sama on, ma ndia na'a sama-sama no Au.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”

ROMA 8:30

Manetualain hala nalolon neu hataholi fo naketu basan neme makahulu na mai a, leondiak; boema hataholi nananalok sila la, ala hapu loak soaneu ala malole falik lo Manetualain. Ma ala hapu loak soaneu laso'da nai Manetualain so'da-mole na dalek.

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

KIDUNG AGUNG 8:13

Hai osi isin-nala lemin, o tia-laim-mala hii lamanene o halam-ma; fe au amanene o halam ndia!

KELUARAN 33:17

Manetualain nafa'da Musa nae, “Neukose Au tao atetu o nonokem-ma, nana Au alelak o, ma Au daleng-nga nandaa no o.”

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.

KOLOSE 4:3

Hule-haladoi fe ami boe, fo ela Manetualain fe ami fai loak malole, soaneu ami tao mamaloloa halak la'eneu Kristus dede'a nafufuni na. Nana hu ka nde dede'ak ndia de, au masok bui.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

1 KORINTUS 16:9

Hapu fai loak ba'u ka nai ndia, soaneu au tao tatao-nono'i masosoa-ndandaa kala, leomae hataholi ba'u ta nau sipok fa boe.

AMSAL 27:23

Makaboboi matalolole o bana-manum,

YOHANIS 10:9

Au nde lelesu a. See masok tunga Au soona, neukose naso'da, boema neu leo dalek neu ma ana leo deak neu fo ana hapu na'a-ninu.

1 YOHANIS 4:6

Tehu ita soona, Manetualai nanan ita; de see nalelak Manetualain soona, namanene ita hala-kokolan. Boema metema Manetualai nanan ta see fa soona, ana ta nau namanene ita hala-kokolan fa. Metema ita nau talelak Dula Dale ndo sa ma dula dale matofa matala ka soona, eno na leondiak.

3 YOHANIS 1:14

Au amahena, ita dua hapu tatongo nai fai lalai anak ia, fo ita dua kokolak matak no matak.