YOHANIS 1:51 - Susula Malalaok Hehelu Palak Ma Hehelu Beuk

⁵¹ Yesus nafa'dan boe nae, “Tete'e ka, mamahele leona te neukose o mita lalai natahuka, fo o mita Manetualain ata nusa so'da nala, ala kona kae leo Ana Hataholi ka mai.”

YOHANIS 1:51 Referans Kwoze

KEJADIAN 28:12

Basa boema, nalame'i nita e'dak esa napadeik nai daebafak-ka, de pe'dan-na losa lalai, ma ata nusa so'dak-kala kona-kae nai e'dak ndia.

HATAHOLI 7:56

Boema Stefanus nae, “Mitak! Au ita nusa so'da ka natahuka de au ita Ana Hataholi ka napadeik nai Manetualain boboa kona na!”

LUKAS 22:43

Boema ata nusa so'dak esa mai de natetea-nahehelen.

LUKAS 2:13

No kaiboik, ata nusa so'dak ndia sama-sama no ata nusa so'da fe'ek makadotok nan fo koa-kio Manetualain. Lafa'da lae,

MARKUS 14:62

Boema Yesus nae, “Au nde Ndia so. Neukose emi mita Ana Hataholi ka nangatuuk nai Manetualain Fo Mana Koasa boboa kona na, ma neukose Ana mai nai ko'as dale, neme lalai mai!”

MARKUS 1:10

Yesus bei kalua neme lee ndia dalek mai tutika, nita lalai a natahuka, de Manetualain Dula Dale na kona neu lain sama leo manupui kalua.

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

HATAHOLI 10:11

Nita lalai natahuka, boema nita hata esa sama leo tema maloa esa, belona nai bu'un has nanalonak leo daebafa ka mai.

LUKAS 3:21

Basa de basa hataholi sila la nanasalani basak boema, Yesus boeo nanasalanik. Ma lelek ana bei hule-haladoi, boema lalai a natahuka,

MATEOS 4:11

Mate'e na boema nitu la'oela Yesus, boema ata nusa soda kala mai de lalalau-laoonon.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”

2 TESALONIKA 1:7

Boema ba'eneu emi fo mana doidosok besak ia la ma ami boe neukose Manetualain tao namalola ita basa tala dale nala, nai faik fo Lamatuak Yesus no ata nusa so'dan mana koasa nala, leme nusa so'da ka mai, fo latu'du ao nala,

LUKAS 2:9

No kaiboik Manetualain ata nusa so'da nala, latu'du ao nala neus, ma masa'a ka nangale'do neme Manetualain mai de nangale'do nalas, boema ala bii lanseli.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

YOHANIS 10:1

“Au dede'ang ia tete'e ka la'en. Metema hataholi esa, ana kae tunga bi'i lalae a, te ana tunga lelesu a fa soona, hataholi nakodaa ma manabonga uma ndia, nanahu ana ta tunga lelesu a fa.

LUKAS 22:69

Tehu mulai besak ia, neukose Ana Hataholi ka nangatuuk nai Amak Fo Mana Koasa Matua Ina boboa kona na.”

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

YUDAS 1:14

Hanok nde bee na, bobongi ka hitu a, neme Adam mai, fo makahulu na nafa'da ela la'eneu hataholi sila la nae, “Mete leo na, te neukose Amak Manetualain Ana mai no ata malalaon lifu-lifu kala,

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

YOHANIS 14:12

Au dede'ang ia tete'e ka la'en: See namahele Au soona, neukose ana tao hata fo Au tao basa kala so, — lena-lenak ana tao dede'a matua lena seluk bai — nana Au u leo Ama ka u.

YOHANIS 6:47

Fo ela emi bubuluk te: Hataholi see namahele soona, ana hapu maso'da matetu ka, ma manaketu basa ta ka.

LUKAS 24:4

Ala bei lapadeik ma lapangamak dudu'a-dodoo dede'ak ndia, te kaiboboianak hataholi dua, bua-lo'a papake nala fula mangadilak, lapadeik deka los.

MATEOS 26:24

Memak Ana Hataholi ka neukose Ana mate sama leo nanasulak nai Susula Malalaok dale. Tehu soe ba'eneu hataholi fo mana ke'dindiu Ana Hataholi ka! Malole lenak hataholi ndia boso bongin makandondook!”

YOHANIS 21:18

Au dede'ang ia tete'e ka la'en; Nai lelek fo o bei muli-solu ma, o kalikee aom o kalikee ma, fo o hii mu leo bee mu soona, o la'o-la'o mesan. Tehu metema neu o fai lasi ma soona, hataholi fe'ek nde kalikee fe o kalikee ma neu, fo ana hela o leo mamanak fo, o ta mahii kana fa.”

YOHANIS 8:51

Au dede'ang ia, tete'e ka la'en. Hataholi manatunga Au dede'a-kokola nga, neukose ana ta mate losa dodoo na fa.”

YOHANIS 6:32

Boema Yesus nafa'das nae, “Mamahele leona: te Au Amang nde fe emi loti matetu ka neme nusa so'da ka mai, te ta Musa fa.

YOHANIS 3:5

Boema Yesus naen nae, “Au dede'ang ia, tete'e ka la'en: metema ta bongi nasafali hataholi a neme oe ma Manetualain Dula Dale na mai fa soona, Manetualain hataholi kamahehelen ta hataholi ndia fa.

YOHANIS 16:20

Mamahele leona, te neukose emi kii-makaleleu, tehu neukose daebafa ka namahoko-setelee. Neukose emi dale ma he'di sa, tehu emi dale he'dim ndia, nasafali da'di namahoko-seteleek.

YOHANIS 13:16

Au dede'ang ia tete'e ka la'en, Ata esa, ta ba'ulena tua na, ma hataholi nadedenuk esa, ta ba'ulena hataholi manamadenu nana fa.

YOHANIS 10:7

Boema Yesus kokolak seluk nae, “Tete'e ka, Au hala-kokolang ia la'en: Au nde manafoo bi'ilopo la.

YOHANIS 6:53

Boema Yesus nafa'das nae, “Mamahele leona: Te metema emi ta mi'a Ana Hataholi ka ao paa na, ma minu ao daa na fa soona, neukose emi so'da ma sosoa-ndandaan ta.

YOHANIS 5:27

Ana fe basa Ana na hak fo naketu-nala'di, nana Anan ndia nde Ana Hataholi ka.

YOHANIS 5:19

Boema Yesus nataa hataholi sila la nae leo ia, “Mamahele leona te, Ana ka ta hapu tao-no'i hata esa boen, ninik koasa na mesa kana fa. Ka'da ka Ana tao-no'i hata fo nita Aman tao-no'i nana. Nana hata fo Ama ka tao-noin soona, ndia nde Ana ka tao-no'in boe.

YOHANIS 3:3

Boema Yesus nafa'dan nae, “Mamahele leona te, metema hataholi esa ta bongi nasafali fan soona, hataholi ndia ta da'di Manetualain hataholi kamahehelen fa.”

MATEOS 9:6

Tehu besak ia neukose Au fe emi buti esa nae, nai daebafa ka Ana Hataholi ka nanuu koasa fe do'o do ampon neu sala-singo ka.” Boema Yesus nafa'da hataholi lu'uk ndia nae, “Fo'a fo ho'i ma o ne'a ma fo fali mu'u ma leona!”

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

YOHANIS 16:23

Nai faik ndia, neukose emi ta matane Au, hata-hata so'on. Mamahele leona: Te hata fo emi moken neme Ama ka minik Au na'de nga soona, neukose Ama ka fe emi.

YOHANIS 13:38

Boema Yesus nae, “Ade tete'e ka, o nau mate soaneu Au do? Fo ela o bubuluk leona te, manu ana beita kokoa fa, te o mafa'da basa la'i telu mae, o ta malelak Au fa!”

YOHANIS 8:58

Tehu Yesus nafa'das nae, “Te'e-te'e Au afa'da emi te: beita bongi Abraham boe te, hapu Au so.”

YOHANIS 8:34

Boema Yesus nafa'das nae, “Au dede'ang ia, tete'e ka la'en, nana hataholi manatao sala-singo ka nde bee na, ana da'di sala-singo ka atan.

YOHANIS 6:26

Boema Yesus nae, “Tete'e ka, emi mai sanga Au nana ta hu ka nde emi malelak basa Au tao manda'di beu kala sosoa-ndandaan fa, te hu ka nde emi mi'a basa de emi makabete so.

YOHANIS 1:50

Boema Yesus nafa'dan nae, “O mamahele nana Au afa'da o ae, Au ita o mangatuuk meme ai ka huu na hetu? Neukose o mita dede'a matuaina la, ba'u lena seluk ndia bai!”