YOEL 2:23 - Susula Malalaok Hehelu Palak Ma Hehelu Beuk

²³ Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

YOEL 2:23 Referans Kwoze

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

ULANGAN 11:14

Metema eni tao leondiak, soona la'e fain-na te, neukose Manetualain fe emi daem-ma, u'dan nai lelek emi ketu-kolu basa, ma nai lelek emi mulai sele-nggali. Soona, neukose emi hapu gandum, angol ma mina setun, dai emi mi'a-pake,

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

FILIPI 3:1

Tolano-tolanoo ngala lemin! Mate'e na, ela leo bee na emi mamahoko nanahu emi da'di esa mo Lamatua ka so. Au ta ame'da belak soaneu kokolak asafali seluk hata fo makahulu na au sulak basan, de au fen neu emi a so; ninik dede'ak sila la, malole soaneu emi maso'da ma.

ZAKHARIA 10:1

Metema fai hanan-na losa soona, moke u'dan neme Manetualain mai. Soona neukose, Manetualain Ana tao-na lalai nasakoko'a, fo u'daina mai, nalosa tina osi da'di momo'dok ma lalole, ba'eneu hataholi lala'en-na.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

YESAYA 30:23

Metema, emi sele-nggali bini-ngges soona, neukose Manetualain fe u'dan, fo ela bini-ngges sila-la, ala moli, fo ala fe buna-boak fo, ana sasi kao-kao. Neukose Ana sadia fe emi bana-manum, moo mana'uk maloaina.

ULANGAN 32:2

Ela leo been-na, au nanoling-nga, ana kona samaleo u'dan-na, ma au hala-kokolang ana ti'ti sama leo dinis-sa, sama leo u'da ngginggitik-ka nai na'u lain, ma u'da matuaina nai bubu'u-palusa lain.

ULANGAN 28:12

Neukose tunga teuk, Manetualain fe u'dan-na mai nandaa no fain-na. Neukose Ana fe baba'e-papalak neu emi ue-le'dim lala'en-na, nalosa leoina makadotok, ala mai tona-asa nai emi, tehu emi ta bole fes ala tona-asa fa.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

ZAKHARIA 10:7

Hataholi Israel-la, neukose sama leo palani ta'tibatu mabe'i-balakaik, sama leo hataholi maninu angol, fo neukose lamahoko-setelee Sila tititi-nonosin neme tepo-lelek leo tepo-lelek neu neukose ta lafandeleheni, sesengik fo Au fen ia. Neukose ala lamahoko nanahu Au tatao-nono'ing ba'eneus.

YEREMIA 5:24

Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

MAZMUR 104:34

Ela leo bee-na, au nakameeng-nga, nandaa no dalen-na, nana Ndia nde tao nanahoko au daleng-nga.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

AMSAL 16:15

Manek-ka dale malolen-na, neni maso'da tetu-temak, sama leo ko'a u'dak-ka nai fai hanan-na.

MAZMUR 32:11

Hai hataholi kamahehelek-kala lemin, mamahoko ma setelee Leona, nanahu hata fo Manetualain tao-no'i basan so. Hai basa hataholi fo, dale ndoos-sala lemin! Eki ma matadale leona!

AYUB 33:23

Fafa'kama ata nusa so'dak esa, neme Manetualain ata nusa so'dan 1.000 mai, ana fe hataholi daebafak-ka nasanene'dak, la'eneu bela-ba'un, fo neukose, ana mai tulu-falin.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.

RATAPAN 4:2

Makahulun-na kota Sion-na ta'eana-anafe'oanan-nala sama leo lilopilas kabelik, tehu besak ia, ala taon sama leo uledae mesan.

ZAKHARIA 9:13

Neukose Au pake Yehuda da'di leo palani ta'tibatu-la kokoun-na, ma Israel da'di leo kokou isik, fo nahani ka'da po'in neu. Au pake laun Sion-na da'di leo tafaina; fo no tafaina ndia, neukose Au sapu-a hataholi Yunani-la.”

HATAHOLI 14:17

Tehu Ana ta nafandeleheni fe buti la'eneu aoina na, fo nde Ana tao malole. Ana fe emi u'dan neme lalai mai, fo dae-oe laisi-lamina, la'e fai na. Ana fe emi nana'a-nininuk fo nandaa no emi dale ma.”

MAZMUR 84:6

Maua-manalek ba'eneu hataholi fo, ana hapu be'i-balakaik neme O mai, ma hataholi fo nahiik kokook leo Pupukuk Sion-na neu.

1RAJA-RAJA 8:36

sa'di leo been-na, neme nusa so'dak-ka mai, O mamanene sila. Ma fe do'o do ampon neu O ana mala ma sila manen-na sala-singo nala. Manolis tao hata fo ndoos sa. Basa ndia soona, ou Manetualain, makona u'dan leo O nusam ia, nusak fo O fen neu O ana mala soaneu da'di sila nuun losa dodoon-na.

AYUB 37:13

Manetualain fe u'dan-na mai, fo ana tao nakadoe dae-a, do boeo, soaneu Ana huku hataholi daebafak-ka; fafa'kama, soaneu Ana fes lita, susue-lalain ba'un-na seli, nahele losa dodoon-na.

MAZMUR 147:8

Ndia nde, nakapepela ko'as-sa nail alai; Ana sadia u'dan, ba'eneu daebafak-ka, ma Ana fe na'u-la, moli lai pupukuk-kala.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.