YESKIAL 7:18 - Susula Malalaok Hehelu Palak Ma Hehelu Beuk

¹⁸ Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

YESKIAL 7:18 Referans Kwoze

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

YESKIAL 27:31

Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

YESAYA 3:24

Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

AYUB 21:6

Metema, au dudu'a-dodoo au so'dang ia soona, au dele, nanahu au bii-amata'u.

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

MAZMUR 35:26

Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

KEJADIAN 15:12

Lelek le'do-a mulai tenak boema, Abram sungu namanee. No kaiboik, ana bii nanseli.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YEREMIA 6:25

Ala ta lapalani leu leo enok lain do leu leo tina leu fa, nana nai mamanak lala'en-na, musu-a leleuk tafa-sisilon.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”