YESKIAL 7:16 - Susula Malalaok Hehelu Palak Ma Hehelu Beuk

¹⁶ Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YESKIAL 7:16 Referans Kwoze

YESAYA 59:11

Ami bii-mamata'u, ma dale he'di; ami sanga ndoos ma matetuk-ka, tehu ta hapu fan; ami mamahena so'da-molek-ka, tehu manada'di tak.

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

YESAYA 37:31

Hataholi Yehuda bei maso'dak-kala, neukose so'dan-nala tetu-temak, sama leo bubu'u-palusa fo okan-na tola losa demak-ka de ana fe buna-boak.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YEREMIA 44:28

Kada hataholi de'ubee neukose laso'da, de ala fali leme Masir lo Yehuda leu. Boema basa hataholi Yehuda fo bei manai Masir-ra lita ade sila kokolan-na do Au kokolang-nga nde da'di mata nitak-ka.

YEREMIA 44:14

Neme hataholi Yehuda fo bei elak-kala, fo manaleu lo Masir leu-a soaneu ala leo lai naa, neukose hataholi esa boen ta nala deak do naso'da fa. Leomae hataholi sila-la lahik lanseli ala fali lo Yehuda neu, tehu dede'ak ndia ta da'di fa. Te'e-te'e neukose ta hapu ala fali fa, ta'da fe'ek ka'da hataholi manamai de'ubee.”

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

MAZMUR 55:2

Ou Manetualain, mamanene au huhule-haladoing leona, boso lepos masadea au dokodoeng-nga.

YEREMIA 9:19

Hala kikii-makaleleuk-ka, nananamanenek nai Sion nae, “Ita mate-mopo, ma nananakamamaek nanseli. Ita muse la'oela ita nusan-na, ita uman-nala, nanatao nakalulutuk so.”

YESKIAL 14:22

Leounik-ka, hapu nggelok laladeak, fo ala soi-tefa-la anan-nala, fo metema ala mai leo o mai soona, taoafik neus. Mete tatao-nono'i mangalaun-nala leo beek, soona neukose emi mamahele, mae Au nakeketung-nga nandaa, soaneu huku Yerusalem.

YESKIAL 34:6

Hu ndia de, Au bi'ilopong-ngala laleu-lalaak lai pupukuk-kala ma letek-kala poin-na. Ala tapasasala leo basa daebafak-ka lala'en-na leu, te ta hapu hataholi esa boen, fo ana nau taoafik do ana sanga fas.

NAHUM 2:7

Musu ho'un-na Ina Manek-ka, de anafe'oana malalau-maoonon-nala lakadii-lakau ma ala kii-makaleleu, ala haladoi sama leo manupui kalua, ma ala babapa fanan-nala nanahu ala susa.

ZEFANYA 1:14

Manetualain fai naketu-nala'din deka so, hei, ana deka nanseli so, nakalenak, ana losa no lai-laik. Faik ndia, henuk no dale he'dik-ka, nalosa solda'du palani ta'tibatu-la boeo ala nggasi beau nanahu ketu namahehenan-nala!

YESAYA 59:12

Tete'ek-ka, ami tatao-nono'i mangalaum makadotok, soaneu O so; ami sala-singom, fe salak neu ami. Te'e-te'e, ami mame'da, ami tatao-nono'i mangalaum-ma, ma ami bubuluk, ami sala-singom.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.