YESKIAL 7:14 - Susula Malalaok Hehelu Palak Ma Hehelu Beuk

¹⁴ Pupuuk-ka nalii, fo basa hataholi-la laheheleao. Tehu ta hapu hataholi esa boen, neu leo natee-natatik dale neu, nana Manetualain nasa-melun, la'e basa hataholi lala'en-na.

YESKIAL 7:14 Referans Kwoze

YEREMIA 4:5

Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 51:27

“Hei Manek Kii! Tao ta'du tana sapu-nak. Fuu ma lii trompet fo basa leoinak-kala lamanene! Madenu leoinak-kala fo leu sapu-la Babel! Mafa'da nusa Ararat, Mini ma Askenas sapu-las. So'u ma malangan soloda'du esa fo nalanga nate-natatik-ka. Fe ndala-la de'u lamak-kala lakabubua.

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

BILANGAN 10:9

Ma metema emi matee-mata'ti nai emi nusam-ma, fo emi masala'e emi aoinam-ma neme musu-a mamain-na soona, puu pupuuk sila-la. Soona Au Manetualain, fo emi Manetualaim-ma neukose tulu-fali, ma soi-tefa emi neme emi musum-ma mai.

RATAPAN 2:3

Nai nasa-melun fo manapila lo'a-lo'an-na dalek, Ana helu la'di Israel be'i-balakain, Lelek musu nook-ka sapu-na ita, Ana hia fe tutulu-fafalik. Sama leo ha'i pila lo'a-lo'a fo tao nalutu basa hata lala'en-na, leondiak boe, Manetualain manakoasa nasa-melun neu ita basa-basa-tala.

RATAPAN 2:4

Ana hela kokoun-na, sama leo musu fo Ana te'ek kokou isin-na nasale leo ita mai. Ana taonisa la'iesak basa hataholi fo ita sue-laik-kala, Nasapula nasa-melun sama leo ha'i-a, leo kota Yerusalem ia dalek neu.