YESKIAL 47:22 - Susula Malalaok Hehelu Palak Ma Hehelu Beuk

²² de dae ndia, ana da'di emi pusakam, losa dodoon-na. Hataholi nusa dea fo, ala leo lahele lai emi tala'da heom, boema ala bongi anan-nala lai mamanak ndia, de sila boeo, muse hapu baba'ek neme dae ndia mai. Muse taos da'di leo, leoina Israel matetuk, fo sila boeo tunga tu-u batu, soaneu ala hapu dae, nai lelek dae ndia, nanababa'ek neu leo-leo Israel-la.

YESKIAL 47:22 Referans Kwoze

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

EFESUS 3:6

Dede'a nafunik ndia, nae leo ia: Tunga Hala Malole ndia de, hataholi ta Yahudi la lame'da lita Manetualain baba'e-papalan, fo makahulu na Ana sadian ka'da soaneu hataholi Yahudi la. Tehu hataholi ta Yahudi la da'di lima eik neme aok fo sama mai de, sila boeo sipo hata fo Manetualain helu basa ka, tunga Kristus Yesus.

ROMA 10:12

Dede'ak ndia la'e basa hataholi lala'ena, nana hataholi Yahudi no hataholi leoina fe'e kala matak esa. Manetualain fo kisak ndia, nde bee na Lamatuak soaneu hataholi lala'ena. Ana fe baba'e-papala manasasi kao-kao ka neu basa hataholi fo mananoke tutulu-fafalik neu nana.

HATAHOLI 11:18

Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 15:9

Manetualain ta bibinga-baba'e ita to sila fa. Ana tao nalalao-nalalafu hataholi sila la dale nala nana lamahele.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

ULANGAN 10:19

Soona, emi boeo, muse matu'du emi susue-lalaim, neu hataholi nusa dea sila-la, nana makahulun-na, emi hataholi nusa dean-nai Masir boe.

YESKIAL 47:21

Baba'e dae ndia neu emi, tunga leo-leo Israel-la;

YESKIAL 47:23

Da'di metema, hataholi nusa dea-la, ala leo lai, leo Israel esa tala'da heon soona, ba'e fen dae pusaka, nai mamanak ndia boe. Au, Manetualain Fo Mademaina, nde manakokolak-ka.”

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

YESKIAL 45:1

Lelek fo, dae ndia beita nanababa'ek neu leo-la esa-esak, fo da'di sila dae pusakan, muse duiheni duduik esa soaneu Manetualain. Dae ndia nanalun-na, muse kilo sanahulu dua, metel lima, ma loloan-na, kilo sanahulu. Dae ndia basa-basan lala'en-na, malalao-malalafuk.

YESKIAL 48:29

Manetualain Fo Mademaina, nafa'da nae, “Leondiak, dae ndia muse nanababa'ek neu leo-leo Israel-la.”