YESKIAL 47:11 - Susula Malalaok Hehelu Palak Ma Hehelu Beuk

¹¹ Tehu puuk ma dano manandolo tasi su'uk ndia oen-nala, neukose ala ta da'di oe mamis fa, te ala da'di oemasik lahele.

YESKIAL 47:11 Referans Kwoze

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

NINITAK 22:11

Hataholi manatao tatao-nono'i mangalau ka, neme na fo ana tao mangalauk nakandoo. Hataholi manatao nanggenggeo so'da na, neme na fo ana tao nanggenggeo aoina na; hataholi manatunga Manetualain hihii-nanau na, neme na fo ana tunga Manetualain hihii-nanaun nakandoo, ma hataholi fo naso'da hehelik soaneu Manetualai na, neme na fo naso'da hehelik soaneu Manetualain nakandoo.”

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

YEREMIA 17:6

Ndia sama leo na'u-aiana fo manamoli nai mok-ka, fo nai dae tokotik-ka, fo nene-lino-linok ma pilado-kolomasik, ma ta la'i esa boen fo ana hapu malole fa.

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

HAKIM-HAKIM 9:45

Abimelekh natee-nata'ti nakandoo, fai katemak esa, de nangatuu-na kota ndia; ana taonisa laun-na, boema ana tao nakalulutuk kotan-na, basa boema ana nggali masik neun.

YESKIAL 47:12

Basa ai maboa mata-matak lala'en-na, lai ndolo-ndolo lee ndia su'un duas. Ai sila-la doon-na, ala ta male lita fa, ma ta basa boan-nala fa. Ai sila-la, neukose labuna-laboa ai boa beuk tunga bulak, nana lee ndia oen-na, ana faa neme Manetualain Uman-na mai. Ai sila-la boan-nala, ala da'di nana'ak, ma doon-nala, ala da'di mo'do-akidok.”