YESKIAL 47:10 - Susula Malalaok Hehelu Palak Ma Hehelu Beuk

¹⁰ Hataholi manadolu-dala, ala ho'i sila dalan-nala, leme oemata manai En-Gedi-a su'un-na, losa oemata manai En-Eglaim-ma, su'un-na. Basa i'ak mata-matak lala'en-na, lai oe ndia dalek, sama leo nai Tasi Tala'dak-ka dalek boe.

YESKIAL 47:10 Referans Kwoze

MATEOS 4:19

Boema nafa'das nae, “Mai tunga Au leona, fo Au anoli emi da'di mana dala hataholi.”

MAZMUR 104:25

Mitak tasi fo maloaina lenga-lenga, no basa mahahaek ana matua ta leke-nala fas.

BILANGAN 34:6

Emi nusam-ma, dae toon muli nde Tasi Tala'dak.

MARKUS 1:17

Boema Yesus nafa'da duas nae, “Tunga Au leona, fo neukose Au anoli emi da'di manadolu-dala hataholi.”

YESKIAL 48:28

Nai dae Gad-ta, boboan kona, hapu dae too fo, mulai neme Tamar muli konak, fo ana tunga oemata Kades-Meriba, boema ana leo muli kiik neu, de ana ndolo Masir dae toon-na losa Tasi Tala'dak.

YESKIAL 47:15

Dae too manai boboak kii, ana mulain neme Tasi Tala'dak leo dulu neu, fo ana losa kota Hetlon-na, soona ana leo Hamat neu, fo nakandoo leo kota Zedad-ta neu,

2TAWARIKH 20:2

Boema hataholi neni halak ia leo Manek Yosafat-ta neu, nae, “Hataholi Edom makadotok nanseli ala mai leme Tasi Mates-sa selik mai fo sapu-la Ama Manek. Ala langatuu-la Hazezon-Tamar so.” (Hazezon-Tamar nde bee na En-Gedi na'den esa nde ndia.)

YESKIAL 26:5

Neukose, basa hataholi tasi-la, ala ho'i sila dalan-nala nai batu ndia lain. Au, Manetualain Fo Mademaina, nde manakokolak-ka. Neukose leoina-kala, ala mai fo, ala kalo leni Tirus hata-heton-nala.

YESAYA 49:20

Ni'iana fo bongis lai nusa dea, neukose lafa'da o lae, ‘Nusak ia, makabi'a anak nanseli ba'eneu au, fe au mamanak, fo ela au hapu leo nai ia.’

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YOSUA 23:4

Leoina-la daen fo bei elak-kala, leondiak boe, Au sengi basa leoina-la, daen manabetubala neme Lee Yarden-na boboan dulu, de nakandoo leo muli neu, fo ana losa Tasi Tala'dak-ka, Au baba'e basan neu emi, fo da'di emi pusakam so.

KEJADIAN 14:7

Basa ndia boema, manausi-la lepos fali seluk, de ala fali le'us leo En-Mispat, fo besak ia, loken lae Kades. Ala paleta la'iesak dae Amalek-ka lala'en-na, boema ala sengi hataholi Amori, fo manaleo nai Hazezon-Tamar-ra.

SEMUEL SUSULAK-KA ESAN-NA 24:1

Dauk la'o neme ndia mai, de neu leo nusak En-Gedi neu, de ana ke'ke neme leak-kala dalek.

YESAYA 19:8

Basa hataholi manadolu-dala, fo biasa ala ho'u i'ak nai lee ndia, neukose lahoo ma ala kii-makaleleu, nanahu sila dolu-dalan sosoa-ndandaan ta so. Basa manatenuk-kala, neukose ketu namahehenan-nala;

YESKIAL 26:14

Fo Au la'oela kande, ka'da batu esa mesak-kana, fo hataholi tasi-la, mamana ho'i dalan-nala. Kota ndia, neukose ta nananafofo'a falik so'on. Au, Manetualain Fo Mademaina, nde manakokolak-ka.”

YESKIAL 47:19

Dae too manai boboak kona, ana leo muli kiik neu, fo neme Tamar leo oemata Kades-Meriba neu, boema ana leo muli konak neu, fo ana ndolo Masir dae toon-na, fo ana losa Tasi Tala'dak.