YESKIAL 46:12 - Susula Malalaok Hehelu Palak Ma Hehelu Beuk

¹² Metema manapaleta, nahiik fe Manetualain tutunu-hohotuk tunga ndia dale hihii mesan-na, nau nalupa tutunu-hohotu nanatunuk, do tutunu-hohotu mole-dame boe, soona muse soi fen, lelesuina dulu, fo leo uma so'dan manai dalek-ka neu. Ndia muse tunu-hotu tutunu-hohotuk sila-la, sama leo ana tunu-hotun nai fai Sabat-ta, tehu ana fali soona, no lai-laik, muse kena seluk lelesuina ndia.”

YESKIAL 46:12 Referans Kwoze

YESKIAL 45:17

Ndia nde, muse asa bana-manu soaneu tutunu-hohotu nanatunuk, tutunu-hohotu gandum, tutunu-hohotu angol, ba'eneu basa leoina Israel-la lala'en-na, nai fai malole-la, Feta Bula Beuk, fai Sabat-tala, ma fai malole fe'e-fe'ek-kala. Ndia muse sadia tutunu-hohotuk fo, sala-singok hapu do'o do ampon, tutunu-hohotu gandum, tutunu-hohotu nanatunuk, ma tutunu-hohotu mole-dame, soaneu noke do'o do ampon ba'eneu leoina Israel-la.”

YESKIAL 46:8

Metema manapaleta, ana sanga sene-do'ok nai Au Umang soona, ana muse masok tunga kama matua dale, ma ana fali soona, ana tunga enok ndia boe.

YESKIAL 44:3

Tehu manakoasa fo, manaho'u paleta-la, bole leu leo lelesuina ndia leu, fo la'a nana'a malalao-malalafuk-ka, nai Au matang. Sila muse masok tunga kama matuaina, ma ala fali tunga, enok ndia boe.”

2TAWARIKH 29:31

Basa ndia boema, Hizkia nafa'da nae, “Hu kande emi nanafe hehelik soaneu Manetualain so, de da'dileo emi tutunu-hohotu makasim-ma, emi muse meni tutunu-hohotuk leo Manetualain Uman mai.” Boema basa hataholi manai sila-la leni tutunu-hohotuk sila-la, nakalena hapu nggelok no dale hihii-nanau mesan-na, neni bana soaneu ana tunu-hotun da'dileo tutunu-hohotu nanatunuk.

IMAMAT 23:38

Fai malole sila-la, nalupa tatamak neu fai-fai Sabat biasa, da'di tunu-hotuk sila-la nde been-na, tatamak neu emi tutunu-hohotu biasam-mala, neu emi tutunu-hohotum soaneu nasar, do tutunu-hohotuk no dale hihii-nanau mesan, fo emi fen neu Manetualain.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

EZRA 6:17

Nai manda'dik faik ndia dalen-na, ala tunu-hotu fe Manetualain sapi mane natun esa, bi'ilopo mane natun dua, ma bi'ilopoana natun haa. Soaneu tutunu-hohotuk, fo hapu do'o do ampon-na, ala tunu-hotu bi'ihii mane sanahulu dua, fo Israel leon esa soona ana fe esa.

EZRA 3:5

Fe'ek neme ndia mai boe, ala fe tutunu-hohotuk nanatunuk tunga matetun-na, boema tutunu-hohotuk nai Fai Malole Bula Beuk, ma nai basa fai malole fe'ek fo ala taon, soaneu sene-do'ok neu Manetualain. Sila boeo tunu-hotu tutunu-hohotuk, fo ala fe no dale hihii-nanau mesan-nala neu Manetualain.

EZRA 1:4

Metema hapu hataholi esa neme anan-nala nai mamana okak ia, ana paluu tutulu-fafalik, fo ana bisa fali, soona uma titia-tatain-nala, muse fen tutulu-fafalik ndia. Sila muse fen lilofulak ma lilopilas, tua-lepa, fo na'a nai enok, boema bana, fo ana fua bua-lo'an, ma boeo tunu-hotuk soaneu Manetualain Uman-na nai Yerusalem.”

2TAWARIKH 5:6

Manek Salomo ma basa laun Israel-la lala'en-nalakabubua lai Peti Hehelu-balataak ndia matan-na, boema ala tunu-hotu fe Manetualain bi'ilopo ma sapi fo ta leke-nala dede'un-nala fa.

1 TAWARIKH 29:21

Balahaa boema, ala do'do bana-manu soaneu ala fen neu Manetualain da'di leo tutunu-hohotuk, boema ala baba'en neu basa laun-na lala'en-na. Fe'ek neme ndia mai, ala do'do sapi mane lifun esa, bi'ilopo mane lifun esa ma bi'ilopo ana lifun esa de ala tunu katemak-kasa nai mei tunu-hotuk lain. Ala boeo muse fe angol soaneu tutunu-hohotuk ndia.

1RAJA-RAJA 3:4

Mamana huhule-haladoik fo nananita-nalelak nanseli a nai Gibeon. Nasi'a Salomo fe tutunu-hohotuk makadotok nai naa. Nai faik esa, fo sama leo mandoofai a, neu seluk leo naa neu.

BILANGAN 29:39

Basa sila-la nde da'di nakanenetek la'eneu tutunu-hohotu nanatunuk, tutunu-hohotu nana'ak, tutunu-hohotu angol, boema tutunu-hohotu mole-dame, fo emi muse tunu-hotu fen neu Manetualain nai emi fai malolem-mala, fo nananaketu basak so. Tutunu-hohotuk sila-la, nalupa tatamak neu tutunu-hohotuk fo, emi tunu-hotun soaneu bae nasar, do tutunu-hohotuk fo, emi fe tunga emi dale hihii-nanau mesam-ma.

IMAMAT 7:16

Metema, hataholi esa neni tutunu-hohotuk mole-dame, fo ana tao natetu hala hehelun neu Manetualain, do soaneu tutunu-hohotuk neme dale nameme'dan-na mai, soona ta paluu la'a basa paa ndia, nai faik ndia dalen-na fa. Bole na'a paa bei elak-kala, nai fai balahaan-na.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

YESKIAL 44:1

Basa boema, touk ndia ho'u-na au limang-nga, de ana hela au leo lelesuina deak-ka, fo nai Manetualain Uman-na, daen boboan dulu. Lelesuina ndia, nanakenak,