YESKIAL 44:7 - Susula Malalaok Hehelu Palak Ma Hehelu Beuk

⁷ Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

YESKIAL 44:7 Referans Kwoze

IMAMAT 22:25

Bana-manu fo hapun neme hataholi nusa dea mai, ta bole tunu-hotun soaneu tutunu-hohotu nana'ak-ka fa. Bole tafa'da tae bana ndia, bana lu'u-la'ak, de ta nanasipok fa.

YESKIAL 44:9

Au, Manetualain Fo Mademaina po'a-benga, ae hataholi nusa dea fo, nanasunat beitak-kala, ma hataholi fo, ana tunga neu Au fa, ta bole masok Au Umang-nga fa. Nakanenetek ndia, la'e hataholi nusa dea fo, ala leo lahele lai, leoina Israel-la tala'da heon-na boe.”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

KEJADIAN 17:14

Basa touk, nanasunat taak lala'en-na, Au anang ta ndia fa, nanahu, ana ta ho'u hehelu-balataak ndia fa.”

HATAHOLI 21:28

ma ala eki lae, “Hei hataholi Israe la lemin, mai fo fali ma ami dei! Te hataholi ia nde neu leo basa mamanak lala'ena fo nanoli hataholi la la'ban leoina Israe la fo ala la'ban Musa hoholo-lalanen, ma ala la'ban Manetualain Uman ia. Nakalenak besak ia, ana hela no hataholi ta Yahudi la leo Manetualain Uman dale leu, fo ala tao langgenggeo mamana malalao-malalafuk ia!”

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

IBRANI 8:9

Ta sama leo hehelu balataak fo Au taon no sila bei ba'i kai nala, nai lelek fo Au hela-noles kalua leme nusa Masi ra mai. Ala ta lilineka neu hehelu-balataak fo Au taon no sila fa; hu ka nde ndia de, Au ta afaduli fas.

MALEAKHI 1:7

No emi tunu-hotu nana'a-niniuk, fo ta nandaa nanatunu-hotuk nai Au mei tunu-hotung lain fa. Boema emi matane mae, ‘No enok leo bee ka, ami heheta-aa'i O?’ No emi tao manggenggeo Au mei tunu-hotung.

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

IMAMAT 26:15

metema emi la'olena hehelu-balataak fo Au taon no emi, ma ta nau tunga Au nakeketung, ma Au nakaneneteng-ngala fa soona,

IMAMAT 21:21

Imam Harun-na tititi-nonosin fo lu'u la'ak-ka, ana ta bole tunu-hotu tutunu-hohotu nana'ak fe Au fa.

IMAMAT 21:17

fo nafa'da Harun dede'ak-kala nde ia nae, “O tititi-nonosim esa lu'u-la'ak soona, ana ta bole tunu-hotu tutunu-hohotu nana'ak soaneu Au fa. Pake paleta ndia losa dodoon-na.

IMAMAT 21:8

Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala.

IMAMAT 21:6

Au nuu heheling ndia, de ta bole tao nanggenggeo Au na'deng-nga fa. Ana tunu-hotu tutunu-hohotu nana'ak soaneu Au, da'di ndia muse malalao-malalafuk.

IMAMAT 17:11

Basa mahahaek lala'en-na, maso'dan-na nai daan dale. Hu ndia de, Manetualain paleta, fo ela muse pisi basa daak lala'en-na leo mei tutunu-hohotuk lain neu, fo ela hataholi-a sala-singon nanalose henik. Daak fo nde maso'dak-ka, ana lose heni sala-singok.

KELUARAN 12:48

Hataholi nanasunat bei taak-kala, ta bole la'a nana'a feta ndia fa. Metema hataholi nusa dea esa leo nahele so, de nai lelek emi hii tao feta Paskah soaneu fe ha'da-holomata neu Au fo Manetualain soona, muse sunat nakahuluk basa touk manai teidalen-na dalek. Basa ndia soona, sipok-kasa da'di leo hataholi Israel isik, fo ala bole tunga feta Paskah.

KELUARAN 12:43

Manetualain nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa.

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

YEREMIA 9:25

Manetualain nafa'da nae, “Neukose losa fain-na Au huku hataholi Masir, Yehuda, Edom, Amon, Moab, ma laun lete lepak fo mananggute keke'u langa doon-na. Sila basa-basas nanasunat sama leo hataholi Israel, tehu leomae sila do leoina Israel-la ha'da tataon-na sama leo hataholi fo nanasunat taak-ka, hu ka nde sila ta tunga hehelu-balatak fo nakasasamak no sunat ndia.”

MALEAKHI 2:4

Soona emi bubuluk, mae Au fe basa paleta ia so, fo ela Au hehelu-balatang no basa imam-imam, fo Lewi tititi-nonosin-nala, nanapake nahelek.

MALEAKHI 2:8

Tehu besak ia, emi fo imam-imam mala lemin, emi la'ok sala neme eno ndoos-sa mai so. Emi nanolim-mala, lele'a-loloso neni hataholi makadotok, fo ala tao salak. Emi tao malutu hehelu-balataak fo Au taon no emi-a so.