YESKIAL 44:31 - Susula Malalaok Hehelu Palak Ma Hehelu Beuk

³¹ Manupui mates, ma bana mates, do bana makaak-kala, ala kaa lisan soona, basa imam-mala, ta bole la'a paa ndia fa.”

YESKIAL 44:31 Referans Kwoze

IMAMAT 22:8

Imam ndia nanakena-ka'ik soaneu na'a bana manamate aok paan-na, do bana fo bana makaak-kala kaa lisan, paan-na. Metema na'an soona, nanggenggeo. Au nde Manetualain.

KELUARAN 22:31

Au anang emi, hu ndia de bana fuik-ka kaa-na bana beek ndia boe, emi ta bole mi'a paan-na fa; fen neu busa-la.”

ULANGAN 14:21

Emi ta bole mi'a bana manamateaok-kala, paan-na fa, tehu hataholi nusa dea fo, manaleo manai emi nusam-ma, bole la'a, do lase'os leo leoina nusa dea-la neu. Emi nde been-na, hataholi fo, nanahele hehelik soaneu emi Manetualaim-ma. Ta bole nasu bi'ilopoana do bi'ihiiana paan-na, nenik inan su'uoen-na fa.”

1 KORINTUS 8:13

Hu ndia de, metema nana'a ka tao na au tolanoo kamaheheleng esa nasala-nasingo soona, neukose au ta u'a paa makandondook so'on. Nana boso nalosak, au tolanoong fo namahehelek esa ndia nasala-nasingo hu ka nde au.

ROMA 14:20

Boso hu ka nde nana'a-nininu ka fo emi tao malutu hata fo Manetualain tao basak ndia. Memak basa nana'ak lala'ena ta nanakena-ka'ik soaneu ta'a fan; tehu metema hata fo emi mi'ak ndia nini sala-singok fe hataholi fe'ek soona, emi sala ndia so.

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

IMAMAT 17:15

Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.