YESKIAL 44:29 - Susula Malalaok Hehelu Palak Ma Hehelu Beuk

²⁹ Sila muse laso'da leme tutunu-hohotu gandum, tutunu-hohotuk fo, sala-singok hapu do'o do ampon, ma tutunu-hohotu bae huta-bu'uk-ka mai; basa hata lala'en fo, nanafe hehelik neu Au, muse fes leo sila neu.

YESKIAL 44:29 Referans Kwoze

BILANGAN 18:14

Basa hata lala'en manai dae Israel-la, fo nanafe hehelik neu Au so, emi nuum basa sila-la.

IMAMAT 27:21

Nai Teuk Fe Falik manamaik-ka dalek, tina ndia da'di Manetualain nuun losa dodoon-na, fo Ana fen leo basa imam-mala neu.

IMAMAT 27:28

Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

IMAMAT 6:29

Basa touk manai imam-mala teidale-bobongin dalek-ka, bole la'a paa tutunu-hohotu malalao-malalafuk nanseli ndia.

IMAMAT 6:26

Imam-ma muse tunu-hotu tutunu-hohotuk ndia, fo muse na'an nai mamanak fo nanahele hehelik, fo nde nai Manetualain Lalaa Teman-na, so'dan-na.

IBRANI 13:10

Ita tanuu mei tutunu-hohotuk esa, soaneu ita fe tutunu-hohotuk neu Manetualain. Ma imam-imam fo lalalau-laoono nai Manetualain Uma Lopo na, ala ta hak la'a tutunu-hohotuk manai mei tutunu-hohotuk ndia lain fa

IMAMAT 2:10

Nana'ak ndia lenan-na soaneu basa imam-mala. Nana'ak ndia malalao-malalafuk nanseli, nanahu ho'in neme nana'ak fo nanatunu-hotu basak soaneu Manetualain so.

IMAMAT 2:3

Tutunu-hohotuk nana'a lenak-ka nde been-na, soaneu basa imam-mala. Tutunu-hohotuk ndia malalao-malalafuk nanseli, nanahu ho'in neme nana'ak fo tunu-hotu basan soaneu Manetualain so.

YOSUA 13:14

Leo Lewi-a, ana ta sipo dae baba'ek neme Musa mai fa, nana Manetualain nafa'da basa Musa nae, leo Lewi-a baba'en-na nde been-na, neme tutunu-hohotuk fo nanatunuk nai mei tunu-hotuk-ka, soaneu Manetualain, fo Israel Manetualain-na.

YESKIAL 46:20

de nafa'da nae, “Nai mamanak ia, basa imam-mala muse nasu tutunu-hohotuk fo, sala-singok hapu do'o do ampon, ma tutunu-hohotuk fo bae huta-bu'uk-ka, boema ala dala tutunu-hohotu gandum-mala, fo ela boso leni tutunu-hohotuk fo, malalao-malalafuk ndia, faa anak boen, leo uma so'dan manai deak-ka neu, fo boso neni soe fe laun-na.”