YESKIAL 44:24 - Susula Malalaok Hehelu Palak Ma Hehelu Beuk

²⁴ Nai dede'ak esa dalek, sila muse fe nakeketuk, da'di leo manakee-manafula, ma sila muse laketun tunga Au nakaneneteng-ngala; sila muse ho'u lahele Au hoholo-lalaneng, ma Au nakeketung-ngala, nai Au fai maloleng-ngala, ma ala tao lalalao-lalafu Au fai Sabat-ta.

YESKIAL 44:24 Referans Kwoze

1 TAWARIKH 23:4

Boema neme hataholi sila-la, ana fe hataholi lifun duahulu haa ho'u tatao-nono'ik manai Manetualain Uman na, hataholi lifun nee soaneu ito-ato susulak kalua masok ma manamaketu-mala'di dede'ak kala,

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

ULANGAN 19:17

duas muse leu leo mamana nakaluku-nakatelek fo Manetualain naketuk-ka leu, fo ela basa imam-mala ma manakee-manafula manai sila-la, naketu dede'ak ndia.

ULANGAN 21:5

Basa imam Lewi-la boeo, muse leu leondia leu, nanahu sila muse fe nakeketuk neu dede'a kanisak lala'en-na. Emi Manetualaim-ma hele sila, soaneu lalalau-laoonon, ma ala fe baba'e-papalak nenik na'den-na.

MAZMUR 119:34

Tao-ma au, alelak O hoholo-lalanem, fo ela au tungan, ma au tao-no'in no dale katematuak.

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 20:20

Tao malalao-malalafu fai Sabat-ta, fo ela ana da'di ta'du-tana hehelu-balataak nai Au ma emi, fo ana fe emi nasanene'dak, nae Au nde, emi Amam Manetualain-na.’

YESKIAL 46:9

Nasafalin-na, metema nai fai matua, fo laun-na mai sene-do'ok neu Manetualain, soona sila nde masok tunga lelesuina kii, ma ala sene-do'ok basa, fo ala fali soona, muse ala tunga lelesuina kona. Ma sila fo, manamasok tunga lelesuina kona, ala fali soona, muse ala tunga lelesuina kii. Hataholi-la hapu kekena-kaka'ik fo, ala boso fali tunga enok fo, nai lelek ala masok-ka; ala muse fali tunga lelesuina manai selik-ka.