YESKIAL 44:23 - Susula Malalaok Hehelu Palak Ma Hehelu Beuk

²³ Basa imam-mala, muse lanoli Au anang-ngala, soaneu ala bisa mete lalelak, beek-kande nanafe hehelik neu Au, ma beek-kande ta, beek-kande balisi, tunga agama, ma beek-kande manggenggeok.

YESKIAL 44:23 Referans Kwoze

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

ZEFANYA 3:4

Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.

IMAMAT 11:47

Emi muse bisa mete malelak, beek-ka nde balisi, ma beek-ka nde manggenggeok, bana beek-ka nde bole na'a paan-na, ma bana beek-ka nde, ta bole na'a paan-na fa.

IMAMAT 13:50

Imam-ma muse palisak buas ndia, boema ana pe'da fe'en, faik hitu dalen-na.

YEREMIA 15:19

Manetualain nataa nae, “Metema o fali ma'im-ma soona, neukose Au sipok o. Neukose o da'di Au atang seluk bai. Metema o tui-benga dede'a-dede'ak fo masosoa-ndandaak, te ta kokolak bafa louk fa soona, o bole da'di Au nabing seluk ai. Neukose hataholi mai seluk leu o-a mai bai, te ta palu o mu leo sila fa.

YESKIAL 42:20

Da'di, Manetualain Uman-na daen-na, neni dae duduik esa, fo balakak, de boboak esa soona, metel natun dua limahulu. Dae duduik ndia, nanapa'a okofefeok nenik papala nanadamak esa, fo sue kande ana ta'da fe'ek dae hehelik soaneu Manetualain-na, neme laun-na daen-na mai.

IMAMAT 14:57

Nakanenetek sila-la sosoan-na, soaneu naketu, ade buas ndia, balisi do manggenggeok.