YESKIAL 44:20 - Susula Malalaok Hehelu Palak Ma Hehelu Beuk

²⁰ Basa imam-mala, ta bole nggeupolik langadoon-nala fa, do ala po'ilotak langadoon-nala lamanalu. Muse nggute keke'u langadook ndia, nandaa no nakanenetek fo, nananaketu basak-ka so.

YESKIAL 44:20 Referans Kwoze

1 KORINTUS 11:14

Neme maso'dak mandofai a, lanoli basa emi lae, metema tou ka langa doo na manalu a soona, ndia nana'de hata esa fo ta nandaa fa,

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

BILANGAN 6:5

Nai faik-faik fo ana be fe nasar-ra, ana ta bole nggute langadoon-na, do nggeu nggolomein-na fa. Nai lelek ndia, muse namaa langadoon-na, ma nggolomein-na, nemen-na fo lamanalu. Hataholi ndia nanapa'ak no ndia nasar-na, losa basa tepo lelek, fo ana fe hehelik aoinan-na neu Manetualain.

2 SEMUEL 14:26

Langa doon-na, katen-na seli, de teuk esa soona, muse ana ngguten la'i esa, nana name'da langan-na belan-na seli. Langa doon nananggute henik ndia, tunga manek-ka tatain-na soona, belan-na lena neme kilo dua mai.

YESKIAL 5:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma tafaina matane esa, fo nggeuheni o nggolomeim-ma, ma o langadoom-ma. Basa soona, tai langadook ndia neu tatais-sa, fo ba'en neu baba'ek telu.