YESKIAL 44:13 - Susula Malalaok Hehelu Palak Ma Hehelu Beuk

¹³ Sila ta bole lalalau-laoono seluk Au, da'di leo imam, do ala koila'e hata fo, malalao-malalafuk ba'eneu Au, do ala masok leo Mamanak Fo Malalao-malalafuk nanseli-a, dalek leu fa. Sila tao, tatao-nono'i manggenggeok-ka, huhukun-na nde ndia.

YESKIAL 44:13 Referans Kwoze

BILANGAN 18:3

Leo Lewi-a, muse tao natetu sila bela-ba'un soaneu emi, ma lakalala'ok sila bela-ba'un nai Au Lalaa Temang-nga, tehu ala ta bole deka mei tunu-hotuk-ka fa, do ala koila'e bua-lo'a malalao-malalafuk manai Kama Malalao-malalafuk-ka dalek fa. Metema, ala la'olena nakanenetek ndia soona, nau sila do emi boeo, neukose mate basam-mala.

YESKIAL 36:7

Au, Manetualain Fo Mademaina, soo ae leoina manai emi titia-tataim-mala, neukose nananakamumulu-nakamamaek boe.

YESKIAL 32:20

Neukose leoina Masir-ra, ala mate sama-sama loo hataholi manamatek manai natee-natatik dale-la. Tafaina esa, nanasadia basak, soaneu ana taonisa basa sila lala'en-na.

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”