YESKIAL 44:10 - Susula Malalaok Hehelu Palak Ma Hehelu Beuk

¹⁰ Manetualain nafa'da au nae, “Neukose, Au huku hataholi Lewi-la, sama-sama loo hataholi Israel fe'ek fo, manala'oela Au, ma manasene-do'ok neu sosongo-tatangok-kala.

YESKIAL 44:10 Referans Kwoze

YESKIAL 48:11

Dae hehelik ndia, neukose ana da'di imam-imam fo, Zadok tititi-nonosin-nala, dae pusakan. Ala lalalau-laoono basa Manetualain, no lilinekak, te ta sama leo hataholi Lewi fo, sila leo esa, ala tunga tao sala-singok sama-sama loo hataholi Israel fe'ek-kala.

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

1 TIMOTIUS 5:22

Boso no lai-laik, o lalaa o lima ma neu hataholi esa langan lain, fo so'un da'di Lamatua ka malalau-maoonon. Metema hataholi fe'ek tao sala-singok soona, boso muu sese'dok nai sala-singok ndia dalek. Manea o ao ina ma fo ela malalaok nahele.

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

ZEFANYA 3:4

Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.

YEREMIA 23:11

Manetualain nafa'da nae, “Nabi-la ma imam-mala ta nau lamahele Au fa. Boema Au hapu as ala tao mangalauk nai Au umang-nga.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

MAZMUR 38:4

Au amahe'di belak, nanahu O nasa-melum; ta hapu so'da-la'dak nai au aopaang-na fa, nanahu au sala-singong.

NEHEMIA 9:34

Ami bei-ba'i kaim, manek, imam, ma basa lasi-lasik-kala, la'o lena O hoholo-lalanem boema ami heheta-aa'in. O fe basa paleta ma hala kaka'ik lala'en-na ma ta nanataoafik, boeo ta nananamanenek fa.

BILANGAN 18:23

Mulai besak ia, ka'da hataholi Lewi-la, nde bole ito-ato Au Lalaa Temang-nga, ma ala mete-lakanae ue-le'dis ndia Nakanenetek ndia boeo, nanapakek soaneu o tititi-nonosim losa dodoon-na. Hataholi Lewi-la, ta hapu baba'ek nai Israel fa,

BILANGAN 5:31

Touk ndia natapo'i neme salak-ka mai, tehu metema saoinan-na tete'ek-ka nasala soona, muse ana lu'a-lepa salak ndia.

IMAMAT 19:8

Ba'eneu see, fo na'a paa ndia soona, ana lu'a-lepa aon salan-na, nanahu, ana ta fe ha'da-holomata neu hata fo nanafe hehelik soaneu Au so. Au ta sipok hataholi ndia da'di Au anang so'on.

KEJADIAN 4:13

Boema, Kaen nafa'da Manetualain nae, “Huhukuk ndia, bela-na seli, de au ta hapu lu'a-lepa abe'i fan.

YESKIAL 14:11

Au tao basa sila-la, fo ela hataholi Israel-la, boso boe dook-ka leme Au mai, ma boso boe tao langgenggeo aoinan-nala, nenik sala-singok-ka. No enok ndia, neukose ala da'di Au anang, ma Au da'di sila Manetualain.” Au, Manetualain Fo Mademaina, nde manakokolak-ka.

YESKIAL 44:12

Tehu, hu kande ala tao feta fo, sene-do'ok neu sosongo-tatangok, soaneu leoina Israel-la, de no enok ndia, ala loso leoina Israel-la, leo sala-singok dale leu, de Au, Manetualain Fo Mademaina soo, ae sila muse nanahukuk.

MALEAKHI 2:8

Tehu besak ia, emi fo imam-imam mala lemin, emi la'ok sala neme eno ndoos-sa mai so. Emi nanolim-mala, lele'a-loloso neni hataholi makadotok, fo ala tao salak. Emi tao malutu hehelu-balataak fo Au taon no emi-a so.

AMSAL 11:31

Metema nai daebafak ia, hataholi malole-a boeo neukose ana sipo babalak soona, tao leo bee-o hataholi mangalauk-ka, ma hataholi masala-masingok-ka, neukose hapu huhukuk.

HOSEA 4:9

Boema, neukose emi doi-doso sama-na leo sila! Neukose Au huku emi, nandaa no emi tatao-nono'im-mala.