YESKIAL 43:9 - Susula Malalaok Hehelu Palak Ma Hehelu Beuk

⁹ Tehu neme besak ia, sila muse hahae sene-do'ok neu sosongo-tatangok, ma ala pe'daheok sila manen-nala popolan-nala. Basa ndia soona, neukose Au leo nai sila tala'da heon, losa dodoon-na.”

YESKIAL 43:9 Referans Kwoze

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

YESKIAL 37:23

Neukose, ala ta tao langgenggeo seluk aoinan-nala, nenik ala tao sala-singok, ma sene-do'ok neu sosongo-tatangok fo, nanamaluak ndia so'on. Neukose, Au soi-po'is leme mamanak fo ala tao sala-singok-ka mai, nalosa ala mulai lalelesi Au. Neukose Au tao alalaos, fo ala da'di Au anang, ma Au da'di sila Manetualain.

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

KELUARAN 29:45

Neukose Au leo nai leoina Israel-la tala'da heon, fo da'di sila Manetualain.

1RAJA-RAJA 8:13

Besak ia au afofo'a uma mana'ahiik soaneu O, soaneu O mamana leleo ma losa dodoon-na.”

MAZMUR 68:17

Tao le'e de, neme o leteana makadotom manai o poim-ma ndia, o mete no nape'da dalek neu Pupuku Sion fo Manetualain helen, da'di mamana leleon-na? Neukose Manetualain leo nai naa losa dodoon-na.