YESKIAL 43:27 - Susula Malalaok Hehelu Palak Ma Hehelu Beuk

²⁷ Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

YESKIAL 43:27 Referans Kwoze

IMAMAT 9:1

Basa feta ndo eik ndia faik esa, fo nai fai ka falun-na boema, Musa naloo Harun no anan-nala, ma basa leoina Israel-la mauli-malangan-nala.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

FILIPI 2:17

Fafa'kama neukose ala taolisa au, fo daenga au daa nga da'di sama leo tutunu-hohotuk fo nanapo'ak neu hata fo emi fen neu Manetualai na, fo ana da'dileo ta'du-tana nae, emi mamahelen. Metema memak muse leondiak soona, au oke makasi neu dede'ak ndia ma au amahoko o emi.

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

ROMA 15:16

Ana tao au da'di Kristus malalau-maoonon fo nadenu au u leo leoina ta Yahudi la u. Ma au alalau-aoono da'dileo imam fo tui-benga Manetualain Hala Malole na neu hataholi ta Yahudi la fo ala da'di tutunu-hohotuk neu Manetualain fo Ana sipo kasa. Ela leo bee na, Manetualain Dula Dale na tao nalalao-nalalafus fo ala da'di tutunu-hohotu malalaok soaneu Manetualain.

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

IMAMAT 17:5

Paleta ndia sosoan-na nde, fo ela leoina Israel-la leni la'iesak bana tunu-hotuk, fo biasa ala do'do bana sila-la nai tina-la dalek-ka, muse lenis leo Manetualain Lalaa Teman-na neu. Sila muse leni tunu-hotuk sila-la leo imam-ma, nai Manetualain Lalaa Teman-na lelesun-na, bafan-na neu, fo ana do'don nai ndia, fo soaneu tutunu-hohotu mole-dame.

IMAMAT 3:1

Metema, hataholi esa tunu-hotu sapi esa, soaneu tutunu-hohotuk mole-dame soona, sapi ndia bole sapi mane, ma bole sapi ina, tehu ta bole la'u-la'ak fa.

YESKIAL 43:26

Imam-mala, muse ala tao feta soaneu nakatema mei tunu-hotuk ndia, faik hitu dalen-na, ma ala sadia basa hata fo, bisa paken.

YESKIAL 45:17

Ndia nde, muse asa bana-manu soaneu tutunu-hohotu nanatunuk, tutunu-hohotu gandum, tutunu-hohotu angol, ba'eneu basa leoina Israel-la lala'en-na, nai fai malole-la, Feta Bula Beuk, fai Sabat-tala, ma fai malole fe'e-fe'ek-kala. Ndia muse sadia tutunu-hohotuk fo, sala-singok hapu do'o do ampon, tutunu-hohotu gandum, tutunu-hohotu nanatunuk, ma tutunu-hohotu mole-dame, soaneu noke do'o do ampon ba'eneu leoina Israel-la.”

IMAMAT 9:4

Madenus, fo ala tunu-hotu sapi mane esa, ma bi'ihii mane esa boe, fo soaneu tutunu-hohotuk mole-dame. Sila muse tunu-hotu basa sila-la, soaneu Manetualain, sama-sama no tutunu-hohotuk nana'ak fo nanatao mina, nanahu nai faik ia, Manetualain mai leo sila mais.”