Biblia Todo Logo
Bib sou entènèt

- Piblisite -




YESKIAL 43:20 - Susula Malalaok Hehelu Palak Ma Hehelu Beuk

20 Ho'i-ma daan faa anak, fo losen neu bana susulak manai mei tunu-hotuk-ka bu'u ka haan sila-la, boeo neu bu'u-bu'uk manai tala'dan-na, boema lose okofefeok neu, mei tunu-hotuk ndia, su'udoon-na. No enok ndia nde, o tao malalao-malalafu mei tunu-hotuk ndia, ma nanafe hehelik ba'eneu Au.

Gade chapit la Kopi




YESKIAL 43:20
18 Referans Kwoze  

Muse ana pisi daak ndia faaanak la'i hitu, leo mei tunu-hotuk lain neu. No enok ndia, ana tao nalalao-nalalafu mei tunu-hotuk-ka neme leoina Israel-la manggenggeon-na mai, fo ela ala da'di balisi.


Boema, Musa ta'ti sapi ndia, de ana ho'i-na daan-na seli. Ana lose daak ndia, nenik limaku'un-na neu mei tunu-hotuk-ka susulan manai bu'un haas, fo ela mei tunu-hotuk ndia, nanafe hehelik ba'eneu Manetualain. Ana pisi daa lenak-ka leo mei tunu-hotuk-ka sosolon dale neu. Enon-na leondiak, mei tunu-hotuk ndia nanatao nalalao-nalalafuk, ma nanafe hehelik ba'eneu Manetualain.


Imam-mala, muse ala tao feta soaneu nakatema mei tunu-hotuk ndia, faik hitu dalen-na, ma ala sadia basa hata fo, bisa paken.


Balahaa soona, o muse tunu-hotu bi'ihii mane esa, ta lu'u-la'ak, soaneu tutunu-hohotuk fo, sala-singok hapu do'o do ampon. Tao malalao-malalafu mei tunu-hotuk ndia, nenik bi'ihiik ndia daan-na, sama leo o taon nenik sapi maneanak ndia.


Harun anan-nala leni bana ndia daan-na leo Harun neu, boema ana dope limaku'un-na leo daak ndia dalek neu, de ana losen neu mei tunu-hotuk-ka susulan-nala, nai mei-a bu'un haas. Basa ndia boema, ana pisi daa lenak-ka leo mei tunu-hotuk-ka sosolon dale neu.


Tunga faik, muse tunu-hotu sapi mane esa soaneu sala-singok hapu do'o do ampon. No tutunu-hohotuk ndia, mei tunu-hotuk nanatao nalalao-nalalafuk. Boema o muse lose mina neu mei tunu-hotuk ndia nenik mina setun, fo ela nanafe hehelik soaneu Au.


Ho'i-ma sapi ndia daan seli, fo lose menik o limaku'um-ma neu mei tunu-hotuk-ka susulan-nala. Daak fo bei elak ndia O muse po'an leo mei tunu-hotuk-ka dae neu.


Imam-ma, muse dope limaku'un-na leo daak ndia dalek neu, fo ana losen neu mei tunu-hotuk-ka susulan manai bu'un haas, ma ana pisi daak fo bei elak-ka leo mei tunu-hotuk-ka sosolon dale neu.


Imam-ma, muse dope lima ku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei-a bu'un haas, ma ana pisi daak fo bei elak-ka leo mei tunu-hotuk-ka sosolon dale neu.


Imam-ma muse dope limaku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei bu'un haas, ma ana pisi daak fo bei elak-ka leo mei tunu-hotuk-ka sosolon dale neu.


Harun muse kalua, fo neu leo mei tunu-hotu tutunu-hohotu nanatunuk-ka soaneu tao nalalao-nalalafu mei tunu-hotuk ndia. Muse ana ho'in-na sapi daa faaanak, ma bi'ihii daa, fo ana losen neu mei tunu-hotuk-ka, susulan manai bu'un-nala.


Neme oelolok-ka losa oeloloanak manai mei tunu-hotuk-ka dae, dedeman-na, metel esa. Tala'dan-na, dedeman-na, metel dua, ma makabi'ak-ka, nana ka'da senti limahulu neme oeloloanak fo, manaokofefeon-na mei tunu-hotuk-ka ein-na. Baba'e ka telu-a, fo nde mei tunu-hotuk-ka poin-na, boeo senti limahulu, fo makabi'ak-ka, neme tala'dan-na mai.


Imam-ma, muse ho'i-na, bana tutunu-hohotuk fo, sala-singok hapu do'o do ampon ndia, daan-na, fo ana losen neu Au Umang-nga dii lelesun-nala, ma neu mei tunu-hotuk-ka, bu'un haas, ma neu lelesuina fo, manai uma so'dan manai dalek-ka, dii lelesun-nala boe.


Tao leondiak tunga faik, nai faik hitu dalen-na. Soona mei tunu-hotuk-ka aoinan-na lala'en-na da'di malalao-malalafuk; su'di beek fo la'e mei tunu-hotuk ndia soona, muse fen neu Manetualain, ma su'di see fo ana koila'en soona, neukose ana hapu soe, nanahu mei tunu-hotuk ndia malalao-malalafun bei-balakain.”


Basa ndia boema, Musa hela-na sapi maneanak esa, soaneu tutunu-hohotu sala-singok hapu ampon. Harun no anan-nala, lalaa liman-nala neu bana ndia langan lain.


Manetualain Fo Mademaina, nafa'da anan-nala nae, “Nai hataholi Yahudi-la, bula ka esan-na, fain esa soona, emi muse tao malalao-malalafu Au Umang-nga, nenik tunu-hotu sapi maneanak esa, ta lu'u-la'ak fa.


Swiv nou:

Piblisite


Piblisite