YESKIAL 42:13 - Susula Malalaok Hehelu Palak Ma Hehelu Beuk

¹³ Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

YESKIAL 42:13 Referans Kwoze

IMAMAT 10:17

Tao le'e de, emi ta mi'a paa tutunu-hohotuk fo sala-singok hapu do'o do ampon ndia, nai mamanak malalao-malalafuk fa? Tutunu-hohotuk ndia malalao-malalafuk nanseli; Manetualain fen neu emi, fo ela hataholi Israel-la sala-singon hapu do'o do ampon.

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

YESKIAL 40:46

ma uma ai fo nasale leo kii neu-a, nanasadiak soaneu basa imam fo, manamalalau-maoono nai mei tunu-hotuk-ka. Basa imam sila-la, muse leme Zadok tititi-nonosin-nala mai. Nana neme leo Lewi-a mai, ka'da Zadok tititi-nonosin nde bole deka loo Manetualain fo lalalau-laoonon nai makaluku-makatele-a dalek.

IMAMAT 14:13

Muse do'do bi'ilopoana ndia, nai mamana hehelik, fo nde mamanak do'do bana soaneu tutunu-hohotuk fo sala-singok hapu do'o do ampon, ma tutunu-hohotu nanatunuk. Muse do'do bi'ilopo ndia, nai mamanak ndia, hu kande tutunu-hohotuk soaneu bae hutak, tutunu-hohotuk fo sala-singok hapu do'o do ampon-na, nde bee soona, malalao-malalafuk nanseli, fo imam-ma, baba'en-na nde ndia.

IMAMAT 6:29

Basa touk manai imam-mala teidale-bobongin dalek-ka, bole la'a paa tutunu-hohotu malalao-malalafuk nanseli ndia.

KELUARAN 29:31

Ho'i-ma bi'ilopo mane paan-na fo nana pakek nai lelek Harun no anan-nala feta ndo ein-na dalek, fo nasu paa ndia nai mamanak esa malalao-malalafuk.

ULANGAN 21:5

Basa imam Lewi-la boeo, muse leu leondia leu, nanahu sila muse fe nakeketuk neu dede'a kanisak lala'en-na. Emi Manetualaim-ma hele sila, soaneu lalalau-laoonon, ma ala fe baba'e-papalak nenik na'den-na.

IMAMAT 24:9

Loti ndia nde been-na, soaneu Harun no tititi-nonosin. Ala muse la'an nai mamanak malalao-malalafuk, nanahu loti ndia nalupa loti malalao-malalafuk nanseli, neme tutunu-hohotu nana'ak fo nanatunu-hotuk neu Manetualain, fo soaneu imam-mala.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

NEHEMIA 13:5

Elyasib fe Tobia kama matua esa, fo tunga ndoon-na ala sadia hehelik kama ndia soaneu pe'da tunu-hotu gandum, boomenik, bua-lo'as fo nanapakek nai Manetualain Uman, tunu-hotuk soaneu imam, gandum baba'ek esa neme ba'eneu sanahulu mai, angol, ma mina setun, fo sanga ba'e fe hataholi Lewi-la, basa manamakaminak sasanu-la, ma manamanea Manetualain Uman-na lelesuinan-na.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 16:40

Ndia nalupa nasanene'dak ba'eneu leoina Israel-la, nae fe'ek neme Harun tititi-nonosin mai soona, ta hapu hataholi esa boen, bole neu leo mei tunu-hotuk-ka neu, fo ana tunu boomenik soaneu Manetualain. Hataholi fo ana la'o lena nakanenetek ndia, neukose nanatao namopo-namatek sama leo Korah no hataholi manalook-kana. Basa sila-la taos sama leo hata fo Manetualain paletan neu Eleazar, tunga Musa.

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

IMAMAT 21:22

Tehu, ana bole na'a nana'ak nanatunu-hotuk, nau tutunu-hohotu nana'ak malalao-malalafuk, do tutunu-hohotu nana'ak fo malalao-malalafuk nanseli boe.

IMAMAT 7:1

Nakanenetek ia-la, la'eneu tutunu-hohotuk soaneu bae hutak. Tutunu-hohotuk ndia, malalao-malalafuk nanseli.

IMAMAT 2:10

Nana'ak ndia lenan-na soaneu basa imam-mala. Nana'ak ndia malalao-malalafuk nanseli, nanahu ho'in neme nana'ak fo nanatunu-hotu basak soaneu Manetualain so.

IMAMAT 2:3

Tutunu-hohotuk nana'a lenak-ka nde been-na, soaneu basa imam-mala. Tutunu-hohotuk ndia malalao-malalafuk nanseli, nanahu ho'in neme nana'ak fo tunu-hotu basan soaneu Manetualain so.

YESKIAL 40:38

Nai uma so'dan deak, hapu kama nanatamak esa, nai lelesuina dalek-ka, boboan kii. Nai kama nanatamak ndia, hapu lelesu esa leo kama matuaina neu. Basa bana soaneu tutunu-hohotu nanatunuk-ka, nanasafek lai ndia.

YESKIAL 41:12

Nai uma so'dan muli selik, hapu uma matuaina-la fo nanalun-nala metel haahulu lima, ma loloan-nala metel teluhulu lima, ma papalan-nala kakaten-na, metel dua seselik.

YESKIAL 42:1

Basa boema, touk ndia noo au leo uma so'dan manai deak-ka neu, de ana ho'u-na au limang-nga, boema ana hela no au leo uma nggelok, lai Manetualain Uman-na, boboan kii neu, fo ta dook-ka neme uma matuaina manai, Manetualain Uman-na boboan muli.

IMAMAT 6:19

Manetualain fe seluk Musa nakanenetek-kala nde ia,