YESKIAL 4:16 - Susula Malalaok Hehelu Palak Ma Hehelu Beuk

¹⁶ Basa boema, nafa'da seluk nae, “Hai, hataholi daebafak fo, manasapu-manalalok-konei, neukose Au tao akalulutuk, mamana pepe'da nana'ak manai Yerusalem-ma. Neukose ala uku sila nana'an-na, ma sila oe nininun-na, fo la'a-linu no dalen-nala ta tesa-tama fa.

YESKIAL 4:16 Referans Kwoze

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

MAZMUR 105:16

Manetualain fe la'a-ndoes-sa, nai nusak ndia, ma Ana ho'i-na basa nana'ak nanasadiak-kala.

RATAPAN 5:9

Kanisak-kala tonggela nai kota deak; ami mase'o ami samane ma, nai lelek ami sanga nana'ak.

RATAPAN 1:11

Laun-nala sanga so'dan-na no hoo-nggu'uk; ala tuka bua-lo'a kabelin-nala nenik loti, ka'da soaneu laso'da lahele fo boso mates. Yerusalem naloo bou-bou nae, “Ou Manetualain, mete au leona, taoafik neu au doi-dosong lala'en-na.”

MAZMUR 60:3

O tipa ami, ou Manetualain, ma O po'ilotak ami kala. O mamanasa ami, de besak ia, tao mabebeu ami.

NINITAK 6:5

Boema Bi'ilopo Ana ndia siiba'e segel katelu. Boema au amanene mahahae katelu nae, “Kalua leona!” Au mete boema, Au ita ndala nggeok esa. Manasa'e nana, ana ho'u tatais nai liman dale.

YEREMIA 52:6

Nai bulak kahaa fain sio teuk ndia dalen-na, la'as matua mai de la'u-nala de ta lanuu nana'ak fa.

RATAPAN 5:4

Ami muse asa oe nininuk ma ai ha'i.

YESKIAL 4:15

Boema, Manetualain nafa'da nae, “Hei, Au nggati hataholi daebafak-ka tein-na, nenik sapi teik, fo o bole paken, soaneu tunu menik o lotim-ma.”

AMOS 4:8

Nai kota de'ubee, laun-nala male henis no maa ma'dak-ka so, ala sanga oe nai kota fe'ek, tehu oe manai kota ndia ta dai fa. Leomae leondiak boe, emi ta nau fali leo Au mai fa.

2RAJA-RAJA 6:25

de neninin-na, la'a-ndoes matuaina, da'di nai kota dale, nalosa keledei langak esa soona, belin-na doi fulak 80, ma manupui kalua teik, ons 2, fo belin-na doi fulak 5.

2RAJA-RAJA 25:3

Nai hataholi Yahudi-la bula ka 4-na, fain 9, fo nai teuk ndia dalen-na boe, lelek la'a-ndoes matuaina nai kota ndia, de nalosa laun-na, nana'an ta makandondook so,