YESKIAL 39:8 - Susula Malalaok Hehelu Palak Ma Hehelu Beuk

⁸ Manetualain Fo Mademaina, nafa'da nae, “Tete'ek-ka, faik fo Au seseik-kana ndia, neukose ana mai.

YESKIAL 39:8 Referans Kwoze

YESKIAL 38:17

Ade makahulun-na, Au kokolak tunga Au atang-ngala, ma nabi Israel-la, ta la'eneu o nde ndia fa do? Ala lafa'da, lae nai tepo lelek manamaik-ka, neukose Au adenu hataholi esa, neu sapu-na Israel. Au Manetualain Fo Mademaina, nde manakokolak-ka.”

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 16:17

Basa ndia boema, ata nusa so'da kahitu ana po'a nggala na isi na leo lalai maloa neu. Manetualain kokolak napane'e neme kandela manek manai Uma Malalaok ndia dale ka nae, “Lamadai so.”

2 PETRUS 3:8

Tehu tolano-tolanoo ngala lemin! Boso mafandele heni dede'ak esa nde ia nae, tunga Lamatua ka mata memete na soona, faik esa, sama leo teuk lifun esa a'eneu Lamatua ka. Duas matak esa.

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

YESKIAL 39:9

Laun manai Israel kotan-nala, neukose beenongo fo ala mai hehele lakabubua, ala la'oela tafa-sisilo-la, fo nde babaa fanak ma tafaina, kokouk ma kokouisin-nala, boema ai kalapu'ak. Ala tao basa sila-la, da'di ai ha'i nai teuk hitu dalen-na.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YESKIAL 33:33

Basa hata fo, o mafa'dak sila-la, neukose ala da'di, de metema faik ndia ana losa soona, neukose ala bubuluk, lae nabi esa nai sila tala'da so.”