YESKIAL 39:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “Metema basa sila-la, ala da'di soona, neukose Au fe Gog dae loo-latek nai Israel, fo nai Bafak Lelenak-ka, nai Tasi Mates-sa boboan dulu. Nai mamanak ndia nde, Gog no basa solda'dun-nala lala'en-na, neukose nananatoi-natonok, fo loke bafak ndia soona lae, ‘Gog Solda'dun-nala Doken-na’.

YESKIAL 39:11 Referans Kwoze

YOHANIS 6:1

Basa faik ba'ubee boema, Yesus neu leo dano Galilea selik neu, fo loke dano ndia soona lae, Dano Tiberias boe.

LUKAS 5:1

Nai faik esa boema Yesus napadeik neme dano Genesare ta solokaen lain. Hataholi makadotok lakaseseti ao soaneu lamanene halak maneme Manetualai na mai.

YESKIAL 47:18

Dae too manai boboak dulu leo kona neu, fo neme mamanak esa nai dae Damsyik-ka no dae Hauram tala'da. Da'di, Lee Yarden-na nalupa dae too no dae Israel-la nai boboak muli, ma Gilead nai boboak dulu, losa leo Tamar neu, fo nai Tasi Mates-sa su'un-na.

YESKIAL 38:2

“Hai hataholi daebafak fo, manasapu-manalalok-konei, soo-supa Gog fo, mane matuaina neme nusa Mesekh ma Tubal-la mai nai dae Magog-ka.

BILANGAN 34:11

Boema ana kona neme ndia leo Ribla neu, fo nai Ain boboan dulu, boema nakandoo leo pupukuk manai Dano Galilea su'un dulu,

BILANGAN 11:34

Boema mamanak ndia nanafoik na'de, “Loo-lates Maa kaolok” nanahu nai mamanak ndia, latoi-latono hataholi fo mates, hu kande maa fula-nala.

YESKIAL 39:10

Da'di ta paluu leu hila ai ha'i, do leu lo'o ai nai nula dale so'on, nana ala la'oela tafa-sisilo sila-la, dai ala pakes da'di ai ha'i. Neukose lamanako, ma ala kalo hataholi fo lamanako, ma ala kalo leni sila hata-heton-nala. Au, Manetualain Fo Mademaina, nde manakokolak-ka.”

YESKIAL 39:12

Hataholi Israel-la, latoi-latono hataholi manamatek sila-la, bulak hitu dalen-na, fo ela dae ndia, boso nanggenggeo seluk bai.

YESKIAL 39:15

Nai hataholi sila-la lala'on-na dalek, metema ala hapu hataholi dui soona, ala tao ta'du neu boboan-na, fo ela tuka matoi mamates-sala litan soona, ala ho'i-lan fo, latoi-latonon neu Gog Solda'dun-nala Doken dale.

KELUARAN 8:14

Hataholi Masir-rala, hehele lakabubua lo'donggelek mates sila-la, de ladodou, nalosa basa nusak-ka lala'en-na naboo pulu.