YESKIAL 37:26 - Susula Malalaok Hehelu Palak Ma Hehelu Beuk

²⁶ Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

YESKIAL 37:26 Referans Kwoze

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YEREMIA 30:19

Ndia laun-nala neukose ala koa-kio Au nenik nakamek, ma ala eeki-latadale nenik namahokok. Au taon nana fe ha'da-holomata, te ta nananakadaek so'on, ma sila dede'un-nala boe tai lamaba'uk-ka.

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

IBRANI 6:14

Ana nafa'da nae, “Au helu, neukose Au ba'e-pala o, ma Au tao a o tititi-nonosim lamba'u.”

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

YESKIAL 36:37

Manetualain Fo Mademaina, nafa'da nae, “Hai leoina Israel-la lemin, Au fe emi loak seluk, fo moke tutulu-fafalik neme Au mai; neukose Au fe mamade'u, sama leo bi'ilopo bubuak-kala.

YESKIAL 16:62

Neukose, Au tao hehelu-balataa beuk no o. Soona besak-ka o bubuluk, mae Au nde Manetualain-na.

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

KEJADIAN 17:7

Neukose, Au tao atetu Au hehelu-balataang neu o, ma neu o tititi-nonosim-mala, neme bobongik leo bobongik neu, ma hehelu-balataak ndia, manaketu-basa taak. Neukose, Au da'di o Manetualaim-ma, ma o tititi-nonosim Manetualain-na.

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

YESKIAL 36:10

Neukose Au anang Israel, boetai lamade'u. Neukose, ala leo lai kota-kota-la dalek, fo lafofo'a falik kota sila-la.

YESKIAL 11:16

Hu ndia de, manduku-malosak Au hala hehelung-nga nde ia, neu o nanoom fo manai mamana tu'u-tapak, mae Au nde o sila leo leoina manai dook eli-la. Tehu nai lelek fo sila bei leo lai naa, neukose Au sama-sama o sila.

MAZMUR 68:18

No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

YEREMIA 31:27

A, Manetualain, afa'da ae, neukose losa fain-na te, Au tao ahenu nusak Israel no Yehuda nenik hataholi daebafak ma bana-manu.

YESAYA 49:21

Boema, o dodoo nai o dalem dale mae, ‘See kande, bongi fe au, ni'iana sila-la? Ade, mopo basa au anang-ngala, de ta hapu bongi seluk fa do? Au hataholi nanafook nai mamana tu'u-tapak, ma nanasi'uheok, ma nanala'oelak mesa-mesak-kana. Da'di, ni'iana sila-la, leme bee mai, ma see nde nakabobois-sala?’ ”

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

BILANGAN 25:12

Da'di, mafa'da Pinehas, mae Au tao hehelu-balataak esa on.

YEREMIA 31:31

Manetualain nafa'da nae, “Neukose losa fain-na te, Au tao nakeketuk beuk no Israel ma Yehuda anan-nala.

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YESKIAL 20:37

Neukose, Au tao emi no balakaik, fo ela emi tunga Au hehelu-balataang.

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 36:11

Neukose o laum-ma, ma o bana-manum, boetai lamade'uka, fo de'u lena makasososan-na, boema ala bongi fo, upu-anan-nala makadotok nanseli. Neukose laso'da sama leo makasososan-na nai naa, ma Au fes laso'da no tetu-temak, fo emi beita hapu maso'dak leondiak-ka fa. Soona besak-ka, emi bubuluk mae Au nde, Manetualain-na

YESKIAL 43:9

Tehu neme besak ia, sila muse hahae sene-do'ok neu sosongo-tatangok, ma ala pe'daheok sila manen-nala popolan-nala. Basa ndia soona, neukose Au leo nai sila tala'da heon, losa dodoon-na.”

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

KEJADIAN 9:16

Neu faik bee, fo elus-sa da'di nai ko'as-sa soona, neukose Au itan ma afandele Au hehelu-balataang fo manaketu-basa taak ndia, no basa mahahae maso'dak, fo laso'da nai daebafak-ka.

KELUARAN 15:17

Boema O hela-nole Israel leo mamanak fo O helen soaneu O mamana leleom-ma. Ala leo lahele leme O pupuku malalao-malalafum-ma nai Uma fo O nde mapadedeik-kana.

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”