YESKIAL 37:21 - Susula Malalaok Hehelu Palak Ma Hehelu Beuk

²¹ Boema mafa'das mae Au, Manetualain Fo Mademaina, neukose aloo falik basa Au leoina lala'en-na, leme nusa-nusak fo nai bee, ala leo lai ndia. Neukose Au tao akabubuas, fo Au o falik-kasa leo sila nusan-na leu.

YESKIAL 37:21 Referans Kwoze

YESKIAL 36:24

Neukose Au tao akabubua emi, neme basa leoina ma nusak-kala mai, fo Au o falik emi leo emi dae-ma meu.

YEREMIA 29:14

Tete'ek-ka, neukose emi matongo mo Au. Neukose Au tao akabubua emi neme basa leoina-la tala'da mai, ma neme basa nusak fo mamanak emi manatao tapasasalak, ma mamanatu'u-tapak. Neukose Au o falik emi lo emi nusa-namom ia mai, ma Au tao ahii emi heheo-hihilum-mala. Au, Manetualain nde manakokolak-ka.’

YEREMIA 23:8

te ka'da neme Au-a mai Manetualain fo maso'dak-ka fo mananeni falik hataholi Israel-la kalua neme nusak esa nai dulu, ma neme basa nusak fe'ek-kala fo nai bee Au tao tapasasala sila. Sila neukose ala leo om sila dae oen-nala.”

YEREMIA 16:15

te hu nenik Au, Manetualain fo maso'dak, fo neni falik hataholi Israel-la kalua neme nusak esa nai dulu, ma neme basa nusak fe'ek-kala fo nai be e au tao tapasasala sila. Neukose au uni falik sila fali ma'is lo sila dae oen-nala mai, fo Au fe nusak leo sila bei ba'i-kain-nala.”

YESKIAL 39:27

Neukose Au o falik-kasa leme sila musun-na, nusan-nala mai, fo neukose basa leoina-kala lita Au malalao-malalafung, hu kande Au tatao-nono'ing ndia.

YESKIAL 34:13

Neukose, Au kaluahenis leme leoina-kala tala'da, ma leme nusa dea-la mai, boema Au foo akabubuas fo Au foo falik-kasa leo, sila nusan-na neu. Neukose Au foos lai Israel letelepan-nala lain, ma nai bafak-kala dalek, ma Au hela-noles leo mook fo na'un-na momo'dok leu.

YEREMIA 50:19

Neukose Au fe falik hataholi Israel-la leo sila nusan. Neukose sila la'a-linu leme dae Letek Karmel ma nusa Basan. Neukose sila lakabete leme dae Efraim ma Gilead isin-na mai.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YEREMIA 30:3

Nana neukose fain-na losa, Au tao ahii Au anan Israel no Yehuda heheo-hihilun-nala. Neukose Au o falik-kasa lo nusak fo Au fen neu sila bei ba'ikai manamaten-nala. Neukose ala hapu falik nusak ndia. Au, Manetualain, nde manakokolak-ka.”

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

YEREMIA 33:7

Yehuda ma Israel neukose Au taos lalole-lanapu sama leo makahulun-na, ma neukose ala lapadeik lasafali da'di leo Au anang-gala.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

YESKIAL 36:10

Neukose Au anang Israel, boetai lamade'u. Neukose, ala leo lai kota-kota-la dalek, fo lafofo'a falik kota sila-la.

YESKIAL 37:20

Ho'u-ma, aitete'e ka duak sila-la, fo matu'dun neu leoina ndia.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

MIKHA 4:6

Manetualain nafa'da nae, “Neukose fain-na losa, Au tao akabubua Au huku hataholi-la, fo nde sila manadoi-dosok nai mamana tu'u-tapak.

NAHUM 2:2

Tete'ek-ka, neukose Manetualain tao falik Israel matua-mademan, fo ela ana da'di sama leo makahulun-na, fo nai lelek musun-nala beita bonga uman-nala fa.)

ZEFANYA 3:20

Neukose fain-na losa, Au hela-nole falik, emi laum manatapasasalam-mala. Au tao-a emi da'di, nananita-nalelak nai basa daebafak-ka lala'en-na, ma neukose Au tao falik emi tetu-temam,” Manetualain nde manakokolak-ka.

YEREMIA 31:16

Kii-namatani mate'e leo ma hali mama'da o lu oem-ma leona! Ta mopo o sosota-mamangun neu o anam-mala fa. Ba'eneu o soona neukose hapu toto'bak, o anam-mala fali ma'is leme musu-a nusak.

YEREMIA 31:17

Hapu namahehenak ba'eneu o nai fai manamaik-ka; neukose o anam-mala fali ma'is lo sila nusa-namon-nala mai.

YESKIAL 39:28

Soona besak-ka, Au anang-ngala bubuluk, lae Au nde sila Aman Manetualain. Nana Au nde haitua sila leo mamana tu'u-tapak neu, tehu Au boeo, nde o falik-kasa leo sila nusan-na neu, no ta la'oela sila hataholin esa boen, nai mamana tu'u-tapak fa.