YESKIAL 36:36 - Susula Malalaok Hehelu Palak Ma Hehelu Beuk

³⁶ Soona leoina titia-tataik fo, bei elak-kala, neukose ala bubuluk lae Au, Manetualain nde nafofo'a falik kota-kota fo, lakalulutuk sila, ma foi-fala seluk, tina tokotik-kala. Au fo Manetualain, nde manakokolak-ka, de tao leo bee-o, neukose nanatao natetuk.”

YESKIAL 36:36 Referans Kwoze

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

YESKIAL 22:14

Tehu nai lelek Au huku basa o soona, o bei mapalani, do o bei mabe'i-balakaik soaneu o so'uk o limam-ma do ta? Au, Manetualain Fo Mademaina, kokolak basa so, de neukose Au tao hata fo, Au kokolak basan so.

YESKIAL 37:28

Metema, Au Umang-nga nai sila tala'da heon losa dodoon-na, soona besak-ka leoina fe'ek-kala bubuluk, lae Au Manetualain, hele basa Israel da'di Au anang mesang so.”

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 34:30

Soona besak-ka, basa hataholi-la ala bubuluk, lae Israel nde been-na, Au anang, ma lae Au asulu-ahapas. Au, Manetualain Fo Mademaina, nde manakokolak-ka.

YEREMIA 42:10

‘Metema emi nau leo mahele nai nusak ia soona, neukose Au so'uk emi, te Au ta tao atu'da emifa; neukose Au tao akatetetuk emi, te Au ta tao atu'u emi fa. Au daleng-nga he'dis-sa nanahu, Au tao basa susa-soe neu emi so.

YESKIAL 36:37

Manetualain Fo Mademaina, nafa'da nae, “Hai leoina Israel-la lemin, Au fe emi loak seluk, fo moke tutulu-fafalik neme Au mai; neukose Au fe mamade'u, sama leo bi'ilopo bubuak-kala.

MAZMUR 126:2

Ita hika takandoo, ma takamee no namahoko-seteleek, nalosa leoina fe'ek-kala lafa'da lae, “Manetualain tao basa, dede'a matuaina-la, ba'eneus so!”

YEREMIA 32:41

Neukose Au hii ka'da tao malole ba'eneu sila, ma Au tao-as leo lahele nai nusak ia soaneu losa dodoon-na.