YESKIAL 36:30 - Susula Malalaok Hehelu Palak Ma Hehelu Beuk

³⁰ Neukose Au fe emi aim-mala, ma emi tinam-mala labuna-laboa no malole, nalosa emi ta hapu la'ola'di fai la'a-ndoes fo ana tao nanggenggeo emi na'dem-ma, nai leoina-kala tala'da so'on.

YESKIAL 36:30 Referans Kwoze

YESKIAL 34:27

Neukose ai-la laboa, tina-osi fe buna-boa malole, ma basa hataholi-la, neukose ala leo no nee-nee lino-linok nai sila daen dale. Metema, Au tao ketu namosina fo, manapa'a Au anang-ngala, ma Au soi-tefa alas leme hataholi fo, manataos da'di ata mai soona, besak-ka ala bubuluk, lae Au nde Manetualain-na.

YOEL 2:26

Neukose emi nana'a-nininum dai fo emi makabete. Neukose emi koa-kio Manetualain fo emi Manetualaim-ma, nana Ana tao manada'di beuk ba'uk-ka ba'eneu emi. Neukose, ta lakadadaek Au anang-ngala so'on!

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

YESKIAL 34:13

Neukose, Au kaluahenis leme leoina-kala tala'da, ma leme nusa dea-la mai, boema Au foo akabubuas fo Au foo falik-kasa leo, sila nusan-na neu. Neukose Au foos lai Israel letelepan-nala lain, ma nai bafak-kala dalek, ma Au hela-noles leo mook fo na'un-na momo'dok leu.

YESKIAL 34:14

Tete'ek-ka, neukose Au sadia fes mook mana'u momo'dok-kala lai dae Israel-la letelepan-nala, ma lai bafak-kala. Neukose ala lu'u lai naa, ma la'a na'u no nee-nee lino-linok.

IMAMAT 25:19

Nusak ndia daen-na, neukose ana fe buna-boan, nalosa emi hapu nana'ak dai, fo emi leo nai naa no tetu-temak.

MAZMUR 85:13

Manetualain ba'e-bati, hata fo malole, de neukose ita daen-na ana fe buna-boan.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YOEL 2:19

Nataas nae leo ia, “Besak ia, Au fe emi basa-basam-mala: gandum, angol ma mina setun fo da'di nana'a-nininuk, fo ela emi basa-basam-mala makabete. Neukose Au ta po'ilotak lakadadaek emi do leoina-la hika emi fa.