YESKIAL 36:27 - Susula Malalaok Hehelu Palak Ma Hehelu Beuk

²⁷ Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

YESKIAL 36:27 Referans Kwoze

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

1 KORINTUS 3:16

Ade tolanoo ka bubuluk mae, emi ia Manetualain uman do ta? Ma Manetualain Dula Dale na, ana leo nai emi dalek do ta?

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

AMSAL 1:23

Metema au kena-ka'i emi, fo emi mamanene au, soona neukose au afa'da au daleng-nga oe-isin neu emi, ma au anoli au malelang-nga neu emi.

1 YOHANIS 3:24

Basa hataholi mana tao tunga Manetualain paleta nala, laso'da lo Manetualain ma Manetualain naso'da nos. Ita bubuluk Manetualain naso'da no ita, nana Ana fe Dula Dale na neu ita so.

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

2 YOHANIS 1:6

Tasue-talai ao soona, sosoa na nae, emi maso'da tunga Manetualain paleta nala. Paleta sila la, emi mamanenes ndek makasososa na nae, emi muse maso'da nai nasue-nalai ao ka dalek.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

GALATIA 5:16

Au dudu'a nga leo iak: Neme na fo Manetualain Dula Dale na hela-nole emi, ma boso maso'da tunga hihii-nanauk ma ha'da-tatao hataholi daebafa ka.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

ROMA 8:9

Tehu emi ta maso'da tunga hataholi daebafa ka ha'da-paliin fa. Emi maso'da tunga Manetualain Dula Dale na, fo metema tete'e ka soona, Manetualain Dula Dale na koasa nai emi dalem dale te'e-te'e. Hataholi fo Kristus Dula Dale na ta nai dalen dale fa soona, Kristus hataholin ta ndia fa.

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

KOLOSE 2:6

Emi sipok Kristus Yesus da'dileo Lamatuak so. Hu ndia de, ela leo bee na emi da'di esa moon,

GALATIA 5:5

Tehu ba'eneu ami soona, ami mamahena neu Manetualain Dula Dale na tutulu-fafalin, tunga ami namahehelem neu Kristu sa, de Manetualain soi fe ami enok, soaneu ami malole moon.

YESKIAL 11:20

Boema, neukose ala tunga Au nakaneneteng-ngala, ma ala tunga basa Au paletang lala'en-na, no dale katematuan-nala. Neukose ala da'di Au anang, ma Au da'di sila Manetualain.

YESKIAL 43:11

Ma lelek ala mae basa, nanahu sila tatao-nono'in-nala soona, mafa'da mangalele'dos, Au Umang ia tao taon leo beek: uma matak leo beek-ka, lelesu masok, ma lelesu kalua-na leo beek, uma-la lakananatok tao leo beek, basa nakanenetek ma hoholo-lalanen lala'en-na. Sulak fes basa sila-la, fo ela ala mete, ma ala taoafik neu ito-ato basa hata lala'en-na, eno-dalan leo beek, boema ala tunga basa nakaneneten-nala.

ULANGAN 30:8

Neukose emi tunga Manetualain seluk, ma emi makalala'ok basa paletan fo, au fen neu emi nai faik ia.

MAZMUR 105:45

fo ela anan sila-la, tunga hoholo-lalanen, ma tunga paletan-nala. Koa-kio Manetualain leona!

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.