YESKIAL 36:26 - Susula Malalaok Hehelu Palak Ma Hehelu Beuk

²⁶ Boema Au fe emi dale beuk, ma dudu'a-aafi beuk. Neukose Au nggati o dale mateam, fo sama leo batu ndia, nenik dale manatunga paleta.

YESKIAL 36:26 Referans Kwoze

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

NINITAK 21:5

Boema Ndia fo manamangatuuk nai kandela manek ndia lai na nae, “Besak ia Au tao a basa-basan lala'e na beuk so!” Boeo nafa'da au nae, “Sulak-ma ia, nana dede'a-kokolak ia la tete'e ka ma hapu nananamahelek.”

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

GALATIA 6:15

Nanasunat do ta nanasunat fa o, ndia ta paluu nanseli fa. Fo paluu ka nde, da'di hataholi daebafa beuk.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

MATEOS 13:5

Hapu nggelok tu'da lai dae mabatuk lain, fo dae isi na ka'da faa anak. Bini-ngges sila, ala moli no lai-laik hu ka nde dae ni'i anak ndia.

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

SEMUEL SUSULAK-KA ESAN-NA 10:9

Saul la'oela Semuel tutik-ka, Saul sipo ha'da-palii beuk neme Manetualain mai. Ma Semuel nafa'dan basa dede'ak lala'en-na boeo, ala da'di nai faik ndia boe.

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

LUKAS 5:38

Angol beu ka muse salin leo alukosu beuk dale neu boe.