YESKIAL 36:22 - Susula Malalaok Hehelu Palak Ma Hehelu Beuk

²² Hu ndia de, manduku-malosak hata fo Au, Manetualain Fo Mademaina, nafa'da neu leoina Israel nae, ‘Hata fo, neukose Au taon nai fai makabuin, ta hu kande emi fa, hai hataholi Israel-la lemin, te hu kande emi meu su'di leo mamanak bee meu soona, emi tao manggenggeo Au na'de malalao-malalafung-nga.

YESKIAL 36:22 Referans Kwoze

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

YESKIAL 36:32

Hai leoina Israel-la lemin, mafandendelek leona, te Au tao basa sila-la, ta hu kande emi fa. Emi muse mame'da bibii-mamaek, ma nananakadadaek, hu kande emi ha'da-tataom-ma. Au, Manetualain Fo Mademaina, nde manakokolak-ka.’ ”

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

MAZMUR 109:21

Tehu, tulu-fali au, sama leo O hehelu-balataam, ou au Amang Manetualain, soi-tefa-mala au, hu kande O dale malolem-ma, ma O susue-lalaim.

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YESKIAL 20:44

Metema, hu kande Au na'de malalao-malalafung-nga, de Au tao emi leondiak, ma ta nandaa no emi ha'da-tataom ta malolem-ma, boema emi tatao-nono'i mangalaum-ma soona, besak-ka emi hataholi Israel-la bubuluk, mae Au nde Manetualain-na. Au, Manetualain Fo Mademaina, nde manakokolak-ka.”

2RAJA-RAJA 19:34

Neukose, Au asala'e ma Au asulu-ahapa kota Yerusalem-ma, hu kande Au na'deng-nga, ma hu kande, Au hehelu-balataang no Au atang Dauk.’ ”

YESAYA 48:11

Au tao ndia, hu kande Au aoinang-nga mesak-kana, nana Au ta po'ilotak, Au na'deng-nga, nanatao nanggenggeok fa; Au ta aba'e Au ndela-sa'ang, no su'di see boen.”

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.